ఇండియన్ ఆయిల్ కార్పొరేషన్ లిమిటెడ్ (ఐవోసీఎల్) దక్షిణ ప్రాంతీయ కార్యాలయం దేశ ప్రతిభాన్వేషణ కార్యక్రమంలో భాగంగా అర్హులైన అభ్యర్థుల నుంచి అప్రెంటీసెస్ నియామకానికి దరఖాస్తులు కోరుతోంది. ఈ ప్రక‌ట‌న ద్వారా 89 టెక్నీషియన్ అప్రెంటీస్/ ట్రేడ్ అప్రెంటీస్ - ల్యాబొరేటరీ అసిస్టెంట్ ఖాళీల‌ను భ‌ర్తీ చేయ‌నున్నారు. ఇందులో తెలుగు రాష్ట్రాలకు సంబంధించి 21 ఖాళీలున్నాయి. మెకానిక‌ల్‌, ఎలక్ట్రికల్, ఇన్స్ట్రుమెంటేషన్, ల్యాబొరేటరీ అసిస్టెంట్ విభాగాలున్నాయి.
టెక్నీషియన్ అప్రెంటీస్- మెకానిక‌ల్‌, ఎలక్ట్రికల్, ఇన్స్ట్రుమెంటేషన్ విభాగాల‌కు 12 నెలలు, ట్రేడ్ అప్రెంటీస్- ల్యాబొరేటరీ అసిస్టెంట్‌కు 18 నెలల పాటు శిక్షణ ఉంటుంది. టెక్నీషియన్ అప్రెంటీస్‌కు రూ.7530, ట్రేడ్ అప్రెంటీస్- ల్యాబొరేటరీ అసిస్టెంట్‌కు రూ.6970 స్టయిపండ్ ఇవ్వనున్నారు. ద‌ర‌ఖాస్తుకు సంబంధిత బ్రాంచీల్లో ఇంజినీరింగ్ డిప్లొమా/ బీఎస్సీ విద్యార్హతతో పాటు 18 నుంచి 24 ఏళ్ల మధ్య వయసు ఉండాలి. రాతపరీక్ష, ఇంటర్వ్యూ, మెడికల్ ఫిట్‌నెస్‌ టెస్ట్ ద్వారా అభ్యర్థుల‌కు ఎంపిక చేయ‌నున్నారు. ఆన్‌లైన్ దరఖాస్తు ప్రక్రియ ఫిబ్రవ‌రి 1న ప్రారంభ‌మై.. ఇదే నెల 13వ తేదీతో ముగియ‌నుంది.
