తినడానికి చేదుగా ఉండే ముల్లంగిలో ఉన్న ఔషద గుణాలు తెలుసుకుంటే దానివల్ల ఎన్ని ప్రయోజనాలు ఉంటాయో అర్ధం అవుతుంది. ముల్లంగిని తరుచూ తినడం వల్ల కేన్సర్‌ బారినపడకుండా జాగ్రత్తపడవచ్చు. ఇందులోని వ్యాధినిరోధకగుణం చాలా రకాల చర్మవ్యాధులను రాకుండా అడ్డుకుంటుంది. ముల్లంగి రసంలో నల్ల ఉప్పును కలుపుకుని తాగితే ఇన్ఫెక్షన్లనుహరిస్తుంది. ముల్లంగి వల్ల శరీరంలోని రక్తసరఫరాను మెరుగుపరుస్తుంది.
ఆకుపచ్చని ఆకులతో తెల్లని దుంపతో ఘాటైన వాసనను కలిగి ఉండే ముల్లంగి చేదుగా అనిపించినా దీన్ని మనం తరచూ తీసుకోకలిగితే అనేక లాభాలను పొందవచ్చు. మన శరీరంలోని లివర్ ఆరోగ్యాన్ని మెరుగు పరచడంలో ముల్లంగి అద్భుతంగా పని చేస్తుందని చెపుతారు. కాలేయంలో ఏర్పడే విష పదార్థాలను బయటికి పంపివేయడంలో ఇది సమర్థవంతంగా పనిచేస్తుంది. అదే విధంగా జీర్ణ వ్యవస్థను శుభ్రం చేస్తుంది.
కామెర్లు వచ్చిన వారు ముల్లంగి రసాన్ని తీసుకుంటే త్వరగా తగ్గిపోతుంది అని అంటారు. ఈ ముల్లంగి శరీరానికి ఆక్సిజన్ సరిగ్గా అందేలా బాగా సహకరిస్తుంది. అంతేకాదు శరీరాన్ని ఎల్లప్పుడూ హైడ్రేటెడ్‌గా ఉంచడంలో ముల్లంగి ఉపయోగపడుతుంది. ఇది పైల్స్ సమస్యను తగ్గిస్తుంది. ముల్లంగి రసం తాగితే ఎక్కువ సేపు ఉన్నా ఆకలి వేయదు. ఆకలిని ఇది నియంత్రిస్తుంది. దీని వల్ల బరువు తగ్గేందుకు అవకాశం ఉంటుంది.
అదేవిధంగా చర్మానికి మేలు చేసే గుణాలు ముల్లంగిలో ఉన్నాయి. ముల్లంగి గుజ్జు ముఖానికి మంచి మెరుపును ఇస్తుంది. ఇందులోని ఔషధ గుణాలు శరీర వ్యాధి నిరోధక వ్యవస్థను మరింత మెరుగ్గా పనిచేసేలా చేస్తాయి. నోరును తాజాగా ఉంచడంలోముల్లంగి ఎంతగానో ఉపయోగ పడుతుంది. ఇలా ప్రయోజనాలు ఉన్న ముల్లంగిని మనం కష్ట పడి తినగలిగితే అనేక రకాల వ్యాధులను రాకుండా కాపాడుకోవచ్చు మన ఆగోగ్యాన్ని..
