మన శరీరం ఎప్పుడూ ఆరోగ్యంగా ఉండాలంటే నిత్యం తగినంత నీటిని తాగమని వైద్యులు చెబుతూ ఉంటారు. కేవలం ఆయుర్వేద వైద్యులే కాదు అలోపతి వైద్యులు కూడ ఈ విషయాన్ని తరుచు చెపుతూ ఉంటారు. నీటిని సరైన మోతాదులో తాగడం వల్ల మనకు ఎన్నో రకాల ప్రయోజనాలు కలుగుతాయి. మన శరీరం ఎల్లప్పుడూ హైడ్రేటెడ్‌గా ఉంటుంది. ద్రవాలు నియంత్రణలో ఉంటాయి.
అయితే రోజుకు సరిపడా నీటిని తాగడం తప్పనిసరే అయినా ఉదయాన్నే ఒక గ్లాస్ గోరు వెచ్చని నీటిని తాగితే ఎన్నో ఆరోగ్య ప్రయోజనాలు కలుగుతాయని పరిశోధనలు వెల్లడించడంతో వైద్యులు కూడ ఇదే విషయాన్ని చెబుతున్నారు. ఉదయాన్నే ఒక గ్లాస్ గోరు వెచ్చని నీటిని తాగడం వలన మన శరీరంలోని విష పదార్థాలన్నీ బయటకు వెళ్లిపోతాయి అని పరిశోధనలు చెపుతున్నాయి. అంతేకాదు ఈ అలవాటు వల్ల జీర్ణ సంబంధ సమస్యలు తొలగిపోతాయి అని అంటారు.
అంతేకాదు మన శరీరంలోని మెటబాలిజం ప్రక్రియ మెరుగు పడి మన శరీరంలో అదనపు క్యాలరీలు చేరకుండా ఈ అలవాటు మనలను రక్షిస్తుంది. దీనితోపాటు మనం తినే ఆహారం నుంచి ఎప్పటికప్పుడు విడుదలయ్యే క్యాలరీలను మన శరీరం వెంటనే ఖర్చు చేస్తుంది. అదేవిధంగా కండరాల నొప్పులు, ఒళ్లు నొప్పులు తగ్గిపోతాయి. ముఖ్యంగా అధిక బరువుతో బాధ పడుతూ వేగంగా బరువు తగ్గాలనుకునే వారు నిత్యం ఉదయాన్నే ఒక గ్లాస్ గోరు వెచ్చని నీటిని తాగితే ఆ అలావాటు వల్ల మన శరీరంలోని మెటబాలిజం ప్రక్రియ వేగవంతమవుతుంది.
అంతేకాకుండా రక్త సరఫరా కూడ మెరుగు పడుతుంది. శరీరంలోని అవయవాలన్నింటికీ రక్తం సరిగ్గా అందుతుంది. వ్యర్థ పదార్థాలు కూడా తొలగించబడతాయి అని వైద్యులు చెపుతున్నారు. మరో ముఖ్య విషయం ఏమిటంటే ఈ అలవాటు వల్ల వృద్ధాప్య ఛాయలు కనిపించవు సరికదా యాంటీ ఏజింగ్ లక్షణాలు తగ్గిపోతాయి. ప్రధానంగా మహిళలకు ఇలా నీటిని తాగడం ఎంతో మేలు చేస్తుంది. ఇన్ని రకాల ప్రయోజనాలు గల గోరు వెచ్చని నీటిని ఉదయాన్నే తీసుకుని ఆరోగ్యాని మెరుగు పరుచుకుందాం..
