ఈసీజన్‌లో ఉసిరికాయ బాగ ఎక్కువగా దొరుకుతుంది. దీనితో అనేకమంది ఈఉసిరికాయను అనేక విధాలుగా ఉపయోగిస్తూ ఉంటారు. ముఖ్యంగా వంటల్లో, పచ్చడి రూపంలో, జ్యూస్ రూపంలో ఈ ఉసిరిని రకరకాలుగా ఉపయోగిస్తారు. ముఖ్యంగా ప్రతిరోజు ఉదయాన్నే పరగడుపున ఉసిరికాయ జ్యూస్ ను 30 ఎంఎల్ మోతాదులో తాగితే ఎలాంటి అద్భుతమైన ప్రయోజనాలు కలుగుతాయని లేటెస్ట్ పరిశోధనలు తెలియచేస్తున్నాయి.
రోజూ పరగడుపున ఉసిరికాయ జ్యూస్‌ను తాగితే దాంతో శరీరంలో అధికంగా ఉన్న కొవ్వు కరిగిపోతుంది. దీనితో క్యాలరీలు త్వరగా కరుగుతాయి. ఫలితంగా బరువు తగ్గుతారు. ఉసిరికాయలో చాలా శక్తివంతమైన యాంటీ ఆక్సిడెంట్లు ఉన్నాయి. ఇవి శరీర రోగనిరోధక శక్తిని పెంచుతాయి. దీనితో ఈసీజన్‌లో వచ్చే దగ్గు, జలుబు, ఫ్లూ జ్వరం వంటి సమస్యల నుంచి రక్షణ లభిస్తుంది.
ఈఉసిరి జ్యూస్ తీసుకోవడం వల్ల జీర్ణసమస్యలు రావు. గ్యాస్, అసిడిటీ, అజీర్ణం, మలబద్దకం వంటి సమస్యల నివారణకు ఈ ఉసిరి జ్యూస్ ఎంతగానో సహాయపడుతుంది. ఈ జ్యూస్ వల్ల మన జీర్ణాశయం, పేగులు శుభ్రమవుతాయి. వాటిల్లో ఉండే చెడు బాక్టీరియా నశిస్తుంది. అంతేకాకుండా ఈ ఉసిరి జ్యూస్ రక్తం శుద్ధి అవుతుంది. హిమోగ్లోబిన్, ఎర్ర రక్త కణాలను పెంచుతుంది. అదేవిధంగా దృష్టి సమస్యలు పోగొట్టడంలో ఈ ఉసిరికాయ జ్యూస్‌లో ఉండే విటమిన్ సి, ఇతర పోషకాలు నేత్రాలకు ఎంతో బలం చేకూరుస్తాయి.
రక్తంలో ఉండే చెడు కొలెస్ట్రాల్ ను తొలిగించడమే కాకుండా గుండె సమస్యలు రాకుండా ఈ ఉసిరి జ్యూస్ సహకరిస్తుంది. క్యాన్సర్ కణాలను నాశనం చేసే శక్తి ఉసిరికాయ జ్యూస్‌కు ఉంది. ఇందులో ఉండే యాంటీ ఆక్సిడెంట్లు క్యాన్సర్ కణాలను వృద్ధి చెందనీయవు. ఫలితంగా క్యాన్సర్ రాకుండా చూసుకోవచ్చు. ముఖ్యంగా మధుమేహం ఈ ఉసిరి జ్యూస్ వల్ల తగ్గుతుంది.ఇలా ఎన్నో ప్రయోజనాలు ఉన్న ఈ ఉసిరికాయ జ్యూస్ ను ఉదయాన్నే త్రాగడం అన్నివిధాల మంచిది అని అనేక పరిశోధనలు తెలియ చేస్తున్నాయి..
