ప్రస్తుతం నిర్మాణం తుది దశకు చేరుకున్న ‘గోపాల గోపాల’ సినిమాకు సంబంధించి ఒక హాట్ న్యూస్ బయటకు వచ్చింది. ఈ సినిమాలో గోపాలుడిగా నటిస్తున్న పవన్, దేవుడినే కోర్టు మెట్లు ఎక్కించిన వ్యక్తి వెంకటేష్ కలిసి ఒక స్పెషల్ సాంగ్ ను చేయబోతున్నారని టాక్.
ఈ స్పెషల్ సాంగ్ చిత్రీకరణ పూర్తి అయిన తరువాత ఈ సాంగ్ లోని కొన్ని సన్నివేశాలను గోపాలుడి ఫస్ట్ లుక్ టీజర్ గా తీసుకువద్దామని ఈ సినిమా దర్శక నిర్మాతలు భావిస్తున్నట్లు సమాచారం. కృష్ణాష్టమి బ్యాక్ డ్రాప్ లో చిత్రీకరించే ఈ స్పెషల్ సాంగ్ ను మొదట మరొక ప్రముఖ హీరోతో చేయిద్దామని అనుకున్నారట.
అయితే స్పెషల్ సాంగ్ వేరే హీరో ఎవరో చేయడం కన్నా పవన్, వెంకటేష్ లపై చిత్రీకరిస్తే ఈ సినిమాకు మరింత క్రేజ్ ఏర్పడి బయ్యర్లలో మంచి క్రేజ్ ను తెచ్చి పెట్టి తద్వారా నిర్మాతలకు కాసుల వర్షo కురిపిస్తుందన్న ఆలోచనలతో ఈ మార్పు చేసారని అంటున్నారు. కృష్ణ తత్వాన్ని తెలియ పరిచే విధంగా ఒక ప్రముఖ గేయ రచయితచేత ఈ పాటను రాయించి రెడీ పెట్టారని సమాచారం.
సామాన్యంగా పవన్ డాన్స్ చేస్తే ధియేటర్లలోని ప్రేక్షకుల హడావిడి మాటలకందనిది. అటువంటిది పవన్, వెంకటేష్ లు కలిసి ఒకే పాటకు స్టెప్స్ వేస్తే వచ్చే క్రేజ్ నిజంగా పవన్ అభిమానులకు పండుగానే అనుకోవాలి...
