ఈ సినిమాకి నటీనటుల పెర్ఫార్మన్స్ మరియు వారి డెడికేషనే సినిమాకి హైలైట్. కావున వారి గురించి రెండు మూడు బలమైన పదాలు వాడి చెబుతా.. యంగ్ టైగర్ ఎన్.టి.ఆర్ తన 24 సినిమాల కంటే మించిన, పూర్తి మెచ్యూరిటీ ఉన్న నటనని ఇందులో కనబరిచాడు. చూడటానికి చాలా స్టైలిష్ గా, సూటు, భూటు, టై వేసుకొని అమ్మాయిలను ఆకర్షించేలా కనపడ్డాడు. ఇక సుకుమార్ స్టైల్ అనగా హీరో పాత్రలో కూసింత నెగటివ్ షేడ్స్ ఉన్న పాత్రలో ఎన్.టి.ఆర్ నటన కొత్తగా ఉంది. లవ్, కామెడీ, యాక్షన్, సెటిల్ చాలెంజ్ ఎమోషన్స్ అన్నీ ఒక ఎత్తైతే, ఎమోషనల్ రైడ్ మాత్రమే ఒక ఎత్తు. ప్రతి ఒక్కరూ కన్నీళ్ళు పెట్టుకునేలా ఆ పాత్రలో జీవించాడు. ఇంతలా ఎమోషన్స్ ఎన్.టి. ఆర్ ఏ సినిమాలోనూ చూపలేదు. రకుల్ ప్రీత్ సింగ్ నటనకి ప్రాముఖ్యత ఉన్న పాత్రలో నటించింది.

అలాగే ఎన్నారై పాత్ర కావడం వలన మోడరన్ లుక్స్ లో అందాలతో కూడా ఆకట్టుకుంది. ముఖ్యంగా తన ఓన్ డబ్బింగ్ చాలా పెద్ద హెల్ప్ అయ్యింది. క్లాసీ విలనిజం చూపించడంలో జగపతి బాబు ది బెస్ట్ అనిపించాడు. ఎన్.టి.ఆర్ - జగపతి బాబు సీన్స్ చాలా క్లాసీగానే కాకుండా విలనిజంని ఎలివేట్ చేయడం బాగుంది. రాజేంద్ర ప్రసాద్ నటన కూడా సినిమాకి పెద్ద హెల్ప్ అయ్యింది. 

'సుకుమార్ 1- నేనొక్కడినే అనే సినిమాని చాలా కన్ఫ్యూజన్స్ ని క్రియేట్ చేసి తీసేసాడు. దాని వలన చాలా మంచికి అర్థం కాలేదు. అందుకే సుకుమార్ ఈ సారి చాలా సింపుల్ వేలో కథ చెప్పడానికి ట్రై చేసాడు. తను అనుకున్న పాయింట్ బాగుంది, కానీ దానిని పర్ఫెక్ట్ గా చెప్పడంలో మిస్ అయ్యాడు. స్ట్రైట్ గా చెప్పాడు కానీ అందరికీ తెలిసిన, ఊహించదగిన విధంగా చెప్పడమే నాన్నకు ప్రేమతోలోని ఎమోషనల్ కంటెంట్ 100% ఆడియన్స్ కి రీచే అయ్యేలా చెప్పలేకపోయింది. బ్లడ్ షెడ్ లేకుండా సినిమా చెప్పాలనుకోవడం, పాత్రలు రాసుకున్న విధానం బాగుంది. కానీ వాటిని ఇంకా టిపికల్ గా, థ్రిల్లింగ్ గా చెప్పాలి. కథలో రాసుకున్న రెండు మూడు థ్రిల్స్ ని కూడా ఈజీగా అందరూ ఊహించేస్తారు.

అందుకే ఏదీ పెద్ద కిక్ ఇచ్చేలా ఉండదు. నాన్నకు ప్రేమతో అనే సినిమాకి హెల్ప్ య్యింది రెండు మూడు పాయింట్స్ అయితే, సినిమాని నాశనం చేసిన పాయింట్స్ చాలానే ఉన్నాయి. నాన్నకు ప్రేమతో అనే సినిమా తొడగొట్టి మాస్ మాసాలా సినిమాలు చూసే వారికి నచ్చదనే చెప్పాలి. అలాగే తెలుగులో కొత్తతరహా సినిమాలు రావాలి అనుకునే వారికి నచ్చే సినిమా.. ఓవరాల్ గా స్టార్ హీరో అయిన ఎన్.టి.ఆర్ ఇలాంటి తరహా సినిమాని తెలుగులో ట్రై చేసి ఓ కొత్తదనానికి నాంది పలికినందుకు హ్యాస్తాఫ్ చెపుతున్నాం. ఇక్కడ ఎన్.టి.ఆర్ తప్పు అనేది తక్కువ ఎందుకంటే తను సినిమా కోసం ది బెస్ట్ ఇచ్చాడు. కానీ టేకింగ్ దగ్గర సినిమా కూసింత రాంగ్ వేలోకి వెళ్ళింది.