మూడు రాష్ట్రాల పోలీసుల్ని, ప్రజల్ని గడగడలాడించిన వీరప్పన్ ని పట్టుకోలేక చంపడం కోసం పోలీసులు వేసిన కకూన్ మిషన్ ఏంటి? దాన్ని ఎవరు ఎలా డీల్ చేసారు అనేదే సినిమా కథ.. సినిమాలో చెప్పిన కథా విషయానికి వస్తే.. పోలీస్ ఆఫీసర్ విజయ్ కుమార్ అండ్ టీం ఎలాగైనా పట్టుకోవాలని చూస్తున్నప్పుడు అతని సబార్డినేట్ అయిన ఎస్.పి (శివరాజ్ కుమార్) ఓ ప్లాన్ చెప్తాడు. మన ఆఫీసర్స్ అందరూ వీరప్పన్(సందీప్ భరద్వాజ్) ప్రాంతమైన ఫారెస్ట్ కి వెళ్లి అక్కడ చనిపోతున్నారు. కాబట్టి అతని ప్లేస్ లో మనం ఏమీ చేయలేం, అందుకే అతన్ని మనం బయటకి తీసుకు రాగలిగితే ఈజీగా చంపేయచ్చు అనే ఆలోచనతో ఒక ప్లాన్ వేస్తాడు. ఆ ప్లాన్ కోసం ఎన్.పి ఎవరెవర్ని వాడుకున్నాడు? ఫైనల్ గా ఎలా వీరప్పన్ ని అడవి నుంచి బయటకి తీసుకు వచ్చి, ఎలా అతన్ని చంపాడు అన్నదే సినిమా కథ. సినిమాలో వీరప్పన్ ని చంపిన్ మిషన్ ని మాత్రమే చూపడం వలన 'కిల్లింగ్ వీరప్పన్' అని టైటిల్ జస్టిఫికేషన్ ఇచ్చాడు.   

శివరాజ్ కుమార్ ఈ సినిమాలో రియల్ లైఫ్ లో చేసిన కన్నన్ పాత్రలో కనిపించాడు. కానీ అది సినిమాలో రివీల్ చేయలేదు. అది పక్కన పెడితే.. టిపికల్ పోలీస్ ఆఫీసర్ గా శివరాజ్ కుమార్ చాలా బాగా చేసాడు. చాలా వరకూ డైలాగ్స్ తో కాకుండా హావ భావాలతో సీన్ ని డీల్ చేసిన విధానం బాగుంది. శివరాజ్ కుమార్ కి పర్సనల్ గా కూడా వీరప్పన్ తో సమస్య ఉంది. అందుకే ఆన్ స్క్రీన్ ఆ ఫేస్ లో ఆ కసి కనిపించినట్లు అనిపించింది. ఇక వీరప్పన్ గా సందీప్ భరద్వాజ్ రాకింగ్ పెర్ఫార్మన్స్ ఇచ్చాడు. రియల్ గా వీరప్పన్ ఇలానే బిహేవ్ చేసేవాడేమో అనే ఫీలింగ్ ని క్రియేట్ చేసాడు. ముత్తులక్ష్మీ పాత్రలో యజ్ఞ శెట్టి, సీక్రెట్ ఇన్ఫార్మర్ పాత్రలో పరుల్ యాదవ్ లు మంచి నటనని కనబరిచారు. మిగతా పాత్రల్లో కనిపించిన వారంతా కన్నడ వారే.. వారు వారు వారి పాత్రల్లో బాగానే చేసారు. 

రామ్ గోపాల్ వర్మ రియల్ లైఫ్ స్టొరీతో చేసిన రక్త చరిత్ర సినిమాకి మంచి అప్లాజ్ వచ్చింది. ఆ తర్వాత వీరప్పన్ మీద చేసిన సినిమా కావడం వలన అంచనాలు ఏర్పడ్డాయి. అలాగే కథకి పర్ఫెక్ట్ అనిపించే నటీనటులను సెలక్ట్ చేసాడు.. వారు కూడా పెర్ఫార్మన్స్ ఇరక్కొట్టేసారు.. అంతవరకూ బాగానే ఉంది. కానీ సినిమా విషయానికి వచ్చేటప్పటికీ వీరప్పన్ గురించి చెప్పడం మానేసి ఒక పోలీస్ యాంగిల్ లో ఎప్పుడు కథని చెప్పాడో అప్పుడే సినిమాకి చిన్న దెబ్బ పడింది. అయినా వీరప్పన్ ఎపిసోడ్స్ వలన ఫస్ట్ హాఫ్ బాగా ఉండనే ఫీలింగ్ కట్ చేస్తే సెకండాఫ్ లో ఆ ఫీలింగ్ ని బాగా తగ్గించేసి, వీరప్పన్ జీరో చేసేసి చంపడం అనేది స్టార్టింగ్ లో చూపించిన దానికి మాచింగ్ కాలేదు. ఆ విషయంలో ఆడియన్స్ కాస్త నిరుత్సాహ పడతారు. వర్మ ఓ స్ట్రాంగ్ కంటెంట్ ఉన్న కథని సరిగా చెప్పలేకపోయాడు.  సినిమాని ఫైనల్ గా చూసుకుంటే కొన్ని ఎపిసోడ్స్ వలన సినిమా చూడచ్చు అనిపిస్తుంది. వర్మ అభిమానులు, వర్మ టేకింగ్ నచ్చే వారు చూడదగిన బొమ్మే 'కిల్లింగ్ వీరప్పన్'.