ఇండియాలో టెర్రరిజం అటాక్స్ అనేవి రెగ్యులర్ గా జరుగుతుంటాయి. వాటిని ఆపడానికి ఎన్ని రకాల ప్రయత్నాలు చేస్తున్నా, ఎక్కడో ఓ చోట బాంబ్ బ్లాస్ట్స్ జరుగుతూనే ఉన్నాయి. ఆ బాంబు బ్లాస్ట్స్, టెర్రరిజం బ్యాక్ డ్రాప్ లో వచ్చిన సినిమానే ఈ 'టెర్రర్'.. అసలు కథలోకి వస్తే.. డిసిపి వి.రాథోడ్(వినయ్) టెర్రరిజం అటాక్స్ నుంచి సిటీ రక్షణ కోసం ఓ స్పెషల్ టీంని సిద్దం చేస్తాడు. ఆ టీంలో మెయిన్ పర్సన్ సిన్సియర్ పోలీస్ ఆఫీసర్ సిఐ విజయ్(శ్రీకాంత్). మన విజయ్ అనుమానం ఉన్న వారి మీదంతా నిఘా వేస్తాడు. అలా ఒక టెర్రరిస్ట్ పర్సన్ తీసుకున్న స్టెప్ వలన విజయ్ కి ఓ భారీ బాంబ్ బ్లాస్ట్ జరగనుందని, దాని వెనుక పొలిటికల్ హ్యాండ్ ఉందని తెలుస్తుంది. అక్కడి నుంచి ఆ టెర్రరిస్ట్ అటాక్ ఆపడానికి, అ టెర్రరిస్ట్ ని పట్టుకోవడానికి విజయ్ ఏం చేసాడు? అన్నదే కథ.. 

నటీనటుల పరంగా ఈ సినిమాకి ప్రాణం పోసింది శ్రీకాంత్ అని చెప్పడంలో ఎలాంటి సందేహమూ లేదు. శ్రీకాంత్ తో పాటు అందరు సపోర్టింగ్ యాక్టర్స్ బెస్ట్ పెర్ఫార్మన్స్ ఇవ్వడమే థియేటర్స్ లో ఆడియన్స్ ని కూర్చో బెట్టగలిగింది. డైలాగ్ డెలివరీ, బాడీ లాంగ్వేజ్, ఎమోషనల్ అండ్ యాక్షన్ సీక్వెన్స్ ఇలా అన్ని విషయాల్లోనూ ది బెస్ట్ పెర్ఫార్మన్స్ ఇచ్చాడు శ్రీకాంత్. హోం మినిస్టర్ పాత్ర చేసిన కోట శ్రీనివాసరావు బాగా చేస్తే, ఎమ్మెల్యేగా పృథ్వి మంచి సపోర్ట్ ఇచ్చాడు. శ్రీకాంత్ వైఫ్ పాత్రలో నిఖిత చాలా చిన్న పాత్రలో బాగానే చేసింది. వినయ్ డిసిపి జస్టిఫికేషన్ ఇచ్చాడు. రవి అండ్ టెర్రరిస్ట్ గ్రూప్ వారు తమ తమ పాత్రలతో మెప్పించారు.  

టెర్రరిజం నేపధ్యంలో వచ్చిన సినిమానే టెర్రర్, కానీ అన్ని టెర్రరిజం తరహాలో వచ్చిన సినిమాలకి దీనికి పెద్ద పోలిక ఉండదు. చెప్పాలంటే హిందీ ఫిల్మ్ అబ్ తక్ చెప్పన్ లోని హీరో పాత్రని ఇందులో హీరో పాత్ర పోలి ఉంటుంది. అంతకు మించి కథలో పోలిక లేదు. దర్శకుడు రొటీన్ లైన్ ని చాలా ఎంగేజింగ్ గా చెప్పి థియేటర్స్ లో కూర్చో బెట్టగలిగాడు. ప్రతి వారం కమర్షియల్ ఫార్మాట్ అనే ముసుగులో వచ్చే చాలా సినిమాల కంటే ఇది చాలా బెటర్ సినిమా. టెర్రర్ అనేది ఓ మంచి పొలిటికల్ థ్రిల్లర్.. అందరూ హ్యాపీగా ఈ వీకెండ్ లో చూసేయచ్చు. పొలిటికల్ క్రైమ్ థిల్లర్ ఇచ్చే వారికి మాత్రం ఈ సినిమా బాగా నచ్చుతుంది.