సుబ్బా రాయుడు (విశాల్) అందరు రాయుడు అనే పిలిచే కుర్రాడు సింహానికి ఉన్న పొగరు.. పౌరుషంతో ఉంటాడు. అనంతపురంలో ఓ గ్రామంలో నివసిస్తున్న రాయుడు తన ముందు ఎలాంటి అన్యాయం జరిగినా అవతల ఎలాంటి వారినైనా వదలడు. ఇక మరో పక్క పాపంపేటలో భైరవ (రాధ రవి) అనే పెద్ద మనిషి ఉంటాడు. రౌడీ మూకలతో తనకు అడ్డొచ్చిన వారిని అడ్డుతొలగించుకుంటూ తనకు సహచరులుగా ఉన్న రోలెక్స్ బాచి (సురేష్ ఆర్.కె) అక్కడ అధికారం చెలాయిస్తూ ఉంటాడు. అయితే తన మూర్ఖమైన పనులతో ఒకసారి తనకు అడ్డుగా ఉన్న భాగ్యం (శ్రీ దివ్య) తల్లి భానును హతామారుస్తాడు. అయితే ఆ హత్య కారకుడైన బాచి మీద కేసు వేయడంతో భాగ్యం ఆమె తండ్రిని చంపేందుకు ప్రయత్నిస్తాడు. ఇంతలోనే రాయుడు భాగ్యాన్ని ప్రేమించడం వారికి రాయుడు అండగా నిలవడం జరుగుతుంది. అయితే అసలు భానును బాచి ఎందుకు చంపాడు..? భైరవను బాచి ఎందుకు చంపాల్సి వస్తుంది..? రాయుడు అన్నమ్మ మంగమ్మను చంపిన వారి మీద ఎలా పగ తీర్చుకున్నాడు అన్నది అసలు కథ.
తెలుగు వాడైన విశాల్ తమిళంలో మంచి హీరోగా గుర్తింపు తెచ్చుకున్నాడు. పందెం కోడి తర్వాత ఆ రేంజ్ హిట్ కొట్టలేని విశాల్ రాయుడులో మంచి పర్ఫార్మెన్స్ కనబరిచాడు. పక్కా మాస్ మనిషిగా విశాల్ అదుర్స్ అనిపించాడంతే.. ఇక తనదైన మాసిజం తో ప్రేక్షకులను ఆకట్టుకున్న విశాల్ సినిమాలో వన్ మ్యాన్ షో చేశాడు. ఇక హీరోయిన్ గా నటించిన శ్రీ దివ్య ప్రేక్షకులను ఆకట్టుకుంది. ఎక్కువగా హాఫ్ సారీలో కనబడ్డ శ్రీ దివ్య తన సహజ నటనను కనబరచి ఆడియెన్స్ ను ఎట్రాక్ట్ చేసింది. విశాల్ ఫ్రెండ్ మగధీర్ ఐ. కొక్కోరొకో క్యారక్టర్ లో సురీ అదరగొట్టేశాడు.
విశాల్ కు సురీకి మధ్య వచ్చే సీన్స్ మంచి కామెడీని పంచుతాయి. అంతేకాదు సినిమాలో అన్నమ్మగా నటించిన ఆమె తన నటనతో అందరిని ఆకట్టుకుంది. చివరకు చనిపోయే సీన్స్ లో కూడా ఆమె నటన అద్భుతం. భైరవగా రాధా రవి మరోసారి హుందా తనమైన పాత్రలో నటించి మెప్పించగా.. విలన్ గా సురేష్ ఆర్.కె బాచి క్యారక్టర్ లో ఇరగొట్టేశాడు. కరకు రాతి గుండె అన్న పదానికి నిదర్శనంగా తన పర్ఫార్మెన్స్ తో అదరగొట్టేశాడు. ఇక మిగతా వారు కూడా తమ తమ పాత్రల మేరకు మంచి నటన కనబరిచారు.
ముత్తయ్య దర్శకత్వంలో వచ్చిన ఈ రాయుడు కోలీవుడ్ లో మరుదుగా రిలీజ్ అయ్యింది. విషాల్ ఫిల్మ్ ఫ్యాక్టరీ నిర్మించిన ఈ సినిమా తెలుగులో హరి రిలీజ్ చేశారు. రాయుడుని మాస్ సినిమాగా తీర్చిదిద్దడంలో దర్శకుడు సక్సెస్ అయ్యాడు. ఇక ఇమ్మాన్ మ్యూజిక్ సినిమాలో సాంగ్స్ ముఖ్యంగా బ్యాక్ గ్రౌండ్ మ్యూజిక్ లో సూపర్బ్ అనిపిస్తుంది. సినిమాకు తగ్గ మ్యూజిక్ ఇచ్చి సంగీత దర్శకుడు ఇమ్మాన్ అదరగొట్టేశాడు. ఇక కెమెరామన్ వేల్ రాజా పనితనం సినిమాలో బాగా కనబడ్డది.. సినిమా మొత్తం విలేజ్ బ్యాక్డ్ డ్రాప్ లోనే కాబట్టి ఆ విలేజ్ అట్మాస్పియర్ బాగా కబడేలా చేశారు. సినిమా అంతా చాలా సహజంగానే ఉంటుంది.
ఇక తమిళ సినిమాల్లో ఉండే మంచి క్వాలిటీనే అది కావాలని సినిమాలకు నప్పని సన్నివేశాలను ఫారిన్ లొకేషన్స్ వాడరు. అది ఈ సినిమాలో ప్లస్ పాయింట్. ప్రవీణ్ కె.ఎల్ ఎడిటింగ్ పర్వాలేదనిపించింది. అయితే సినిమా సెకండ్ హాఫ్ లో ఇంకాస్త ట్రిం చేసి ఉంటే బాగుంటుంది అనిపిస్తుంది. గోప్రురం ఫిలిమ్స్, విశాల్ ఫిల్మ్ ఫ్యాక్టరీ ప్రొడక్షన్ వాల్యూస్ బాగా రిచ్ గా కనిపించాయి.
