దొరపురం అనే గ్రామంలో ఓ పాడు బడ్డ బంగ్లా.. భయంకరమైన ఆ బంగ్లాలో ఎవరు వెళ్లడానికి సాహసించరు. ఎవరైనా సాహసించి వెళితే ఇక వారు ప్రాణాలతో బయట పడరనే నమ్మకం. ఇక అదే ఊరుకు ఎస్సైగా వచ్చి సత్య (శిబిరాజ్).. జాక్సన్ బంగ్లా గురించి ప్రజల్లో ఉన్న భయాన్ని పోగొట్టే ప్రయత్నం చేస్తాడు. ఇక అదే ఊరులో విజ్జి (బిందు మాధవి)ని చూసి ప్రేమిస్తాడు సత్య. విజ్జిని చిన్న నాటి నుండి తన బావ వీర (కరుణాకరణ్) కూడా పెళ్లి చేసుకునేందుకు సిద్ధమవుతాడు. విజ్జి ఎవరికి దక్కాలో విజ్జి తండ్రి సర్పంచ్ నిర్ణయిస్తాడు. జాక్సన్ బంగ్లాలో వెళ్లి తిరిగి ఎవరు వస్తారో వారికిచ్చి ఆమె పెళ్లి చేస్తానంటారు. ఇక బంగ్లాలో జరిగే పరిణామాలు ఎవరు ఊహించరు. బ్రిటీష్ కాలంలో దొర (సత్యరాజ్) ప్రజల పక్షాన ఉంటే, జాక్సన్ (జచేరి) ప్రజలను తిప్పలు పెడతాడు.. ఇక విరోదులుగా చనిపోయినా సరే వారి ప్రేతాత్మలు కూడా ఇంకా పగతో ఉంటారు. అసలు దెయ్యాల బంగ్లాలో ఏం జరిగింది..? చివరి సత్య, వీరాల్లో ఎవరు గెలిచారు..? అసలు ఆ బంగ్లా కథ మొత్తం ఏంటి..? అన్నది అసలు సినిమా.
దొర సినిమా మొత్తం పేరుకే సత్య రాజ్ మిగతా కథ మొత్తం నడిపించేది శిబిరాజ్.. సత్య పాత్ర చేసిన శిబిరాజ్ కే సినిమాలో ఎక్కువ స్కోప్ ఉంది. ఇక దొరగా సత్యరాజ్ ఉన్నంత సేపు అదరగొట్టేశాడు. ఇక కథ మొత్తం నడిపించిన శిబిరాజ్ తన శక్తి మేరకు నటించాడు. విజ్జిగా బిందు మాధవి ఓకే అనేలా ఉంది. అయితే సినిమాలో అంత ఇంపార్టెన్స్ ఉన్నట్టు అనిపించదు. ఇక మిగతా నటీనటులంతా తమ పాత్రల పరిధి మేరకు నటించారు.
సినిమా అవుట్ పరంగా చూస్తే టెక్నికల్ గా బాగా వచ్చిందని చెప్పొచ్చు. రచయిత దర్శకుడు ధరణి దరన్ కథ గొప్పగా ఊహించినా దాన్ని తెరకెక్కించడంలో మాత్రం విఫలమయ్యాడు. సినిమాకు కెమెరామన్ యువరాజ్ సింగ్ తన బెస్ట్ అవుట్ పుట్ చూపించాడు. సినిమా మూడ్ కథ చుట్టే తిరిగేలా చేయడంలో తన పనితనం చూపించాడు. సిద్ధార్థ్ విపిన్ సంగీతం పర్వాలేదు. సినిమా మొత్తం సిజి వర్క్ మీదే నడిచింది.. అందుకే లొకేషన్స్ కు పెద్దగా స్కోప్ లేదు. ఇక నాలుగు గోడల మధ్య సినిమా నడిచింది. ప్రొడక్షన్ పరంగా సినిమా రిచ్ గానే ఉంది.
