చుట్టాలబ్బాయ్ సినిమా ముందుగా దర్శకుడు వీరభద్రం విషయానికొస్తే కథ పాతదే కాని దాన్ని చెప్పే ప్రయత్నంలో కూడా దర్శకుడు పూర్తిగా పట్టు తప్పాడు. థమన్ సంగీతం ఓకే అనిపించింది. నేపథ్య సంగీతం కాస్త సినిమాను కాపాడింది. అరుణ్ కుమార్ సినిమాటోగ్రఫీ పర్వాలేదు ఎస్.ఆర్ శేఖర్ ఎడిటింగ్ ఒకే కాని సినిమా ఇంకాస్త ట్రిం చేసి ఉంటే బాగుండనిపిస్తుంది. ఎస్.ఆర్.టి బ్యానర్ ప్రొడక్షన్ వాల్యూస్ రిచ్ గానే ఉన్నాయి. మొదటిసారే అయినా సినిమాకు కావాల్సిన ప్రొడక్షన్ ఎఫర్ట్ నిర్మాత ఇచ్చారు.

చుట్టాలబ్బాయ్.. ఓ పాత సినిమా టైటిల్ తో ప్రేక్షకుల ముందుకు వచ్చిన ఆది ఇదవరకు సినిమాల కంటే స్క్రీన్ స్కోప్ బాగానే వాడుకున్నాడు. అయితే దర్శకుడు వీరభద్రం అనుకున్న ఈ కథ కొత్తదేమి కాదు.. ఇక కథనం ఏమన్నా కొత్తగా నడిప్తాడా అంటే అది రొటీన్ గా నడుస్తుంది. మొదటి భాగంలో కొన్ని కామెడీ సీన్స్ తప్ప సినిమా మొత్తం కథ ఆడియెన్ ముందే కనిపెట్టేస్తాడు. ఇక సినిమా ఎక్కడ గ్రిప్పింగ్ తో నడిపించలేదు దర్శకుడు. అంతా ఎదో కామెడీగా నడుస్తుంది. సీరియస్ సీన్స్ కూడా పేలవంగా నడిపించేశారు. 

రికవర్ ఏజెంట్ గా పనిచేస్తున్న బాబ్జి ఓ అమ్మాయితో ఒక రెండు సార్లు మాట్లాడితే ఆ అమ్మాయి అన్న అతన్ని కొట్టడం, వార్నింగ్ ఇవ్వడం వరకు ఓకే కాని ఆ అమ్మాయి పారిపోతుంటే ఇతను వెంటపడటం లాజిక్ అనిపించదు. ఆ అమ్మాయితో ఎలాంటి రిలేషన్ లేకుండా హీరో హీరోయిన్ కోసం ఏదేదో చేస్తుంటాడు. ఇక పోలీసుల నుండి తప్పించుకోవడం మళ్లీ ఓ విలన్ గ్యాంగ్ వారిని టార్గెట్ చేయడం కూడా రొటీన్ గానే ఉంటుంది. 

ఏసిపి తన తమ్ముడిని ఎంకౌంటర్ చేశాడని తన చెల్లిని టార్గెట్ చేస్తూ రౌడిషీటర్ రాజు కేవలం సెకండ్ హాఫ్ లో ఎంట్రీ ఇవ్వడం అది కూడా విలనిజం అంతగా పండలేదని చెప్పాలి. ఇక ఊళ్లో దొరబాబు చాలా పెద్ద మనిషి అతని గురించి చాలా మంది చెబుతుంటారని విలన్, ఏసిపి అంటారు.. అయితే ఆ హుందా తనం కేవలం నిలబడి చూడటానికే అన్నట్టు అయ్యింది సాయి కుమార్ పరిస్థితి. ఆది వరకు తన బాబ్జి రోల్ తో అదరగొట్టినా హీరోయిన్ అంతగా ప్లస్ అవ్వలేదు.  

ఇక హీరో హీరోయిన్ లవ్ సీన్స్ కూడా అంతగా వర్క్ అవుట్ కాలేదు. అప్పటిదాకా కలిసి ఉన్నా రాని ఫీలింగ్ వారు విడిపోయాక రావడం అంత గొప్పగా ఏం అనిపించదు. హీరో హీరోయిన్ లవ్ ట్రాక్ ఏమాత్రం ఆకట్టుకోలేదు. ఇక మొదటి భాగం కొన్ని నవ్వులతో నడిపించినా సెకండ్ హాఫ్ రొటీన్ ఫ్యామిలీ డ్రామాతో లాగించి చివరకు మళ్లీ రొటీన్ ఎండింగే ఇచ్చేశాడు దర్శకుడు. కాసిన్ని నవ్వుల కోసం ఆదిని కాస్త కొత్తగా చూసే వారికి తప్ప ఈ చుట్టాలబ్బాయ్ అంతగా ఆకట్టుకోలేదు.