మాలిని (నిత్యా మీనన్) ఓ ప్రైవేట్ హాస్పిటల్ లో నర్స్ గా పనిచేస్తుంటుంది. కెనెడా వెళ్లే ప్రయత్నంలో విసా కోసం ట్రై చేస్తుంది అక్కడ వరుణ్ (క్రిష్ జె) తో ప్రేమలో పడుతుంది. వరుణ్ వాళ్ల పై ఆఫీసర్ ప్రకాశ్ (నరేష్) మాలిని మీద కన్నేస్తాడు. ఆమెను మానభంగం చేస్తాడు. అయితే వరుణ్ మాలినిని చెరదీసి ఆమెను కోలుకునేలా చేస్తాడు. ఆమె కాస్త కుదుట పడ్డాక ప్రకాశ్ మరోసారి మాలిని మీద ఎటాక్ చేస్తాడు. ఈ క్రమంలో కాస్త రిలీఫ్ కోసం వైజాగ్ వెళ్దామని వరుణ్ చెప్పడంతో అక్కడకి వెళ్తారు. ఇక ఇంతలోనే ట్విస్ట్ మాలినిని డ్రగ్స్ కేసులో ఇరికిస్తారు. ప్రకాశ్, వరుణ్ ఇద్దరు కలిసే తన జీవితాన్ని నాశనం చేశారని తెలుస్తుంది. జెల్లో ఉన్న మాలిని అక్కడ జరిగిన విషయాలతో స్పూర్తి పొంది బయట ఉన్న మానవ మృగాలను చంపాలని నిర్ణయించుకుంటుంది. అయితే మాలిని ఈ క్రమంలో జైల్లో ఉన్న వారు హెల్ప్ చేస్తారు. ఇంతకీ మాలిని వరుణ్ ను ఏం చేసింది..? ప్రకాశ్ ను మాలిని ఎలా చంపేసింది..? అన్నది అసలు
నిత్యా మీనన్ తన భుజాల మీద వేసుకుని చేసిన సినిమా ఈ ఘటన. మాలిని పాత్రలో అద్భుతంగా నటించింది నిత్యా. నిత్యా మీనన్ ఇదవరకు చేసిన సినిమాల్లో కన్నా ఈ సినిమాలో డిఫరెంట్ గా కనిపిస్తుంది. సినిమా మొత్తం ఆమె మీద నడుస్తుండటంతో కీ రోల్ గా నిత్య అదరగొట్టింది. ఇక వరుణ్ గా నటించిన క్రిష్ కూడా పర్వాలేదు అనిపించాడు. ఇక ప్రకాశ్ లాంటి కామాంధుడి పాత్రలో సీనియర్ యాక్టర్ నరేష్ అదరగొట్టాడు. నరేష్ ను ఇలా విలన్ గా చూపించాలని ఆలోచన రావడం గొప్ప విషయం అయితే ఆ పాత్రకు నరేష్ హండ్రెడ్ పర్సెంట్ న్యాయం చేయడం విశేషం. సాధారణంగా ఇన్నోసెంట్ గా ఉండే నరేష్ విలన్ రోల్ కాస్త వెరైటీగా అనిపించింది. ఇక కోవై సరళ కాసేపు నవ్వులు పంచగా.. కోటా శ్రీనివాస్ రావు ఓ మంచి పాత్రలో నటించి మెప్పించారు.
