బాహుబలి బిగినింగ్ లో లానే సినిమాలో అన్ని పాత్రలు ప్రేక్షకులను ఎంటర్టైన్ చేశాయి. ముఖ్యంగా అమరేంద్ర బాహుబలిగా ప్రభాస్ అదరగొట్టేశాడు. శివుడు, బాహుబలి రెండు వేరియేషన్స్ లో ప్రభాస్ ది బెస్ట్ పర్ఫార్మెన్స్ తో ఆకట్టుకున్నాడు. ఇక మొదటి పార్ట్ లో మొత్తం ఓల్డ్ గెటప్ లో కనిపించిన దేవసేన అనుష్క తన అందంతో కంక్లూజన్ లో ఫ్యాన్స్ ను అలరిస్తుంది. ప్రభాస్, అనూష్కల జంట స్క్రీన్ పై మరోసారి సూపర్ అనిపిస్తుంది. ఇక భళ్లాలదేవగా రానా తన వీరత్వం చూపించాడు. ప్రభాస్ తో పోటీ పడిమరి నటించి మెప్పించాడు రానా. శివగామి రమ్యకృష్ణ గురించి ప్రత్యేకంగా చెప్పాలి. తన పాత్రకు హండ్రెడ్ పర్సెంట్ న్యాయం చేయడమే కాదు సినిమాకే అందం తెచ్చిన పాత్ర శివగామి. బిజ్జల దేవగా నాజర్ ఆకట్టుకున్నాడు. ఇక మిగతా పాత్రలన్ని పరిధి మేరకు నటించి మెప్పించారు.
రాజమౌళి ఐదేళ్ల కృషి బాహుబలి సినిమా.. ముఖ్యంగా బిగినింగ్ కన్నా సెకండ్ పార్ట్ కోసం ఎక్కువ కష్టపడ్డాడని చెప్పొచ్చు. అయితే మొదటి భాగం మొత్తం తన మార్క్ గ్రిప్పింగ్ స్క్రీన్ ప్లే.. గూస్ బమ్స్ ఎపిసోడ్స్ తో నింపిన రాజమౌళి సెకండ్ హాఫ్ మాత్రం అంత ఆకట్టుకునేలా తీయలేదు. రెగ్యులర్ ఫ్యామిలీ డ్రామాతో పాటుగా కుటుంబ రాజకీయాలతో నడిపించినట్టుగా ఉంటుంది. బాహుబలి 1 కన్నా ఇందులో విజువల్ పరంగా గ్రాండియర్ ఉంటుంది. సినిమాటోగ్రఫీ సూపర్. కీరవాణి మ్యూజిక్ సినిమాకు ఆయువుపట్టుగా నిలిచింది. సినిమా ఏమాత్రం ఖర్చుకు వెనుకాడకుండా తీశారని ఆ రిచ్ నెస్ ను చూస్తే అర్ధమవుతుంది. రిచ్ ప్రొడక్షన్ వాల్యూస్ తో సినిమా అద్భుతమైన క్వాలిటీతో వచ్చింది. ఎడిటింగ్ విషయంలో సెకండ్ హాఫ్ మీద దృష్టి పెట్టాల్సి ఉంటే బాగుండేది.
బాహుబలి బిగినింగ్ రిలీజ్ అయ్యి సక్సెస్ అయిన నాటి నుండి పార్ట్ 2 కోసం ఎదురు చూడని సిని ప్రేక్షకుడు లేడు. భారీ అంచనాల నడుమ వచ్చిన ఈ సినిమా అంచనాలను అందుకోవడంలో సక్సెస్ అయినట్టే. సినిమా మొదటి భాగం ముఖ్యంగా ఇంటర్వల్ సీన్స్ లో తన పట్టు సాధించిన రాజమౌళి సెకండ్ హాఫ్ కాస్త పట్టు తప్పినట్టు అనిపిస్తుంది. మళ్లీ క్లైమాక్స్ వార్ సీన్ బాగానే తీసినా సెకండ్ హాఫ్ శివుడు రోల్ అంత ఇంట్రెస్టింగ్ గా రంజింపచేయలేదు.