రాజమౌళి కొత్త సినిమాలో రానా నటించనున్నాడు. ఈగ సినిమా తరువాత ప్రభాస్ హీరోగా ఒక భారీ చిత్రానికి రాజమౌళి దర్శకత్వం వహిస్తున్న విషయం తెలిసిందే. ప్రస్తుతం ఈ సినిమా స్ర్కీన్ వర్క్ జరుగుతుంది. ఈ సినిమాను తమిళ, హిందీలో కూడా రూపొందిస్తున్నారు.
కాగా, ఈ సినిమాలో దగ్గుబాటి రానా కూడా ఓ కీలక పాత్ర పోషించనున్నట్లు తెలుస్తోంది. ఈ సినిమాలో ప్రధాన నెగటివ్ పాత్ర లో రానా నటించనున్నాడు. నటనకు ప్రాధాన్యత పాత్ర పైగా, రాజమౌళి సినిమా కావడంతో రానా కూడా ఈ నెగటివ్ పాత్రలో నటించడానికి ఆసక్తిగా ఉన్నట్లు తెలుస్తోంది.
రానా హీరోగా నటించిన తాజా సినిమా కృష్ణం వందే జగద్గురం కూడా ఆశించిన విజయాన్ని అందుకోలేక పోయింది. దీంతో రానా ఇలా విలన్ వేషాలకు సై అంటున్నాడని వ్యాఖ్యలు వస్తున్నాయి.
