శ్రీకాంత్ అడ్డాల, మహేష్ బాబు కాంబినేషన్ లో వచ్చిన ‘బ్రహ్మోత్సవం’ చిత్రం నిన్న ఎన్నో అంచనాల మద్య రిలీజ్ అయ్యింది. శ్రీకాంత్ అడ్డాల దర్శకత్వంలో రూపొందిన ఈ చిత్రం ఓవరాల్ గా బాగున్నప్పటికీ కథ కథనం వల్ల ప్రేక్షకులకు విసుగొచ్చేసి ప్లాప్ టాక్ తెచ్చుకుంది. బంధాలు అనుబంధాల నేపధ్యంలో సాగిన ఈ చిత్రంలో చెప్పాల్సింది దర్శకుడు చెప్పలేకపోయాడు. దీంతో సినిమాకి నెగటివ్ టాక్ వచ్చినప్పటికీ కలెక్షన్స్ పరంగా మహేష్ తన సత్తా చాటుతున్నాడు.
ఈ చిత్రంలో మహేష్ బాబు సరసన కాజల్, సమంత, ప్రణీత నటించారు. ఇక సినిమా మొత్తం పెద్ద తారలతో నిండిపోయి సందడిగా ఉందట. మిక్కీజే మేయర్ సంగీతం పెద్దగా ఆదుకోలేక పోయిందని టాక్.ఏది ఏమైనా మహేష్ బాబు రికార్డు బ్రేక్ చేస్తాడని ఊహించిన వారికి నిరాశే మిగిలిందట. ప్రిన్స్ మహేష్బాబు, శ్రీకాంత్ అడ్డాల కాంబినేషన్లో వచ్చిన ‘బ్రహ్మోత్సవం’ చిత్రం తొలిరోజు బాక్సాఫీస్ వద్ద కలెక్షన్ల వర్షం కురిపించింది.