ఈ మధ్య కాలంలో స్టార్ ప్రొడ్యూజర్ అల్లుఅరవింద్ ఏ సినిమాపై పెట్టుబడులు పెట్టినా...లాభాల వరద పెడుతుందని అంటున్నారు. సినీ నిర్మాణంలో అపార అనుభవం కలిగి ఉన్న నిర్మాతలతో అల్లుఅరవింద్ ఒకరు. ఈ తరం యంగ్ ఆర్టిస్ట్ లతో అల్లుఅరవింద్ సినిమాలను చేస్తూ...బాక్సాపీస్ వద్ద హిట్ చిత్రాలను నిలుపుతున్నాడు. భారీ బడ్జెట్ చిత్రాలకి ఓ రకమైన బిజినెస్, చిన్న చిత్రాలకి ఒక రకమైన బిజినెస్ వంటి పద్ధతులని అల్లుఅరవింద్ పాటిస్తున్నాడు.
ఇక రీసెంట్ గా అల్లుఅరవింద్ నిర్మించిన చిత్రం ‘శ్రీరస్తు శుభమస్తు’ తనకి 8 కోట్ల రూపాయల లాభాలను తీసుకొచ్చిందని అంటున్నారు. ట్రేడ్ రిపోర్ట్స్ నుండి అందుతున్న సమాచారం ప్రకారం దీనికి సంబంధించిన వివరాలను చూస్తే... అల్లు శిరీష్ హీరోగా నటించిన చిత్రం ‘శ్రీరస్తు శుభమస్తు’. దర్శకుడు పరశురామ్ డైరెక్ట్ చేసిన ఈ సినిమా ఆగష్టు 5న విడుదలైంది.
రీసెంట్ గా ఈ మూవీ 50 రోజులు పూర్తి చేసుకుంది. అయితే ఈ 50 రోజులకి ‘శ్రీరస్తు శుభమస్తు’ మూవీ దాదాపు 20 కోట్లరూపాయల మేర కలెక్షన్స్ ని కొల్లగొట్టింది. సాధ్యమైనంత వరకూ ఈ మూవీని నిర్మాత సొంతంగా రిలీజ్ చేసుకొన్నారు. దాంతో నిర్మాతకి మంచి లాభాలే వచ్చాయి. తక్కువ బడ్జెట్ తో తెరకెక్కిన చిత్రంగా వచ్చిన శ్రీరస్తు శుభమస్తు చిత్రం...నిర్మాతకి 8 కోట్ల రూపాయల ఆదాయాన్ని తీసుకొచ్చింది.
ఈ మూవీ అల్లుశిరీష్ కెరీర్లోనే అత్యధికంగా వసూళ్లు సాదించిన చిత్రంగా నిలిచింది. ఈ మూవీ విజయంతో అల్లుశిరీష్ మార్కెట్ ఇంకా పెరిగిందని అంటున్నారు. అలాగే తన వాల్యూ సైతం రెండింతలుగా పెరిగిందని మార్కెట్ వర్గాలు చెబుతున్నాయి. శ్రీరస్తు..శుభమస్తు చిత్రం మంచి విజయం సాధించటంతో కొత్త నిర్మాతలు శిరీష్ పై పెట్టుబడులు పెట్టేందుకు ఆసక్తి చూపుతున్నారు.
