`ఎవ‌డు` కోసం అల్లు అర్జున్ తన కాల్షీట్లు ఇచ్చేశాడు. అయితే బ‌న్నీ సినిమాలో క‌నిపించేది కేవ‌లం ప‌ది నిమిషాలు మాత్ర‌మే. నాలుగైదు స‌న్నివేశాలు, ఓ పాట ఆయ‌న‌పై తెర‌కెక్కిస్తారు. అయితే... బ‌న్నీ పాత్రే ఈ సినిమాని మ‌లుపు తిప్పుతుంద‌ట. ఇద్ద‌ర‌మ్మాయిల‌తో షూటింగ్ పూర్తిచేసుకొని ఎవ‌డు కోసం బ‌న్నీ ఇటీవ‌ల ఫారెన్ నుంచి వ‌చ్చేశాడు. అయితే బ‌న్నీ-చరణ్ కాంబినేష‌న్ సీన్లు ఈ సినిమాలో ఉండ‌వ‌ని తెలిసింది. బ‌న్నీ పాత్ర ఎగ్జిట్ అయిన త‌ర‌వాతే చరణ్ ఎంట్రీ ఇస్తాడు. ఈ రెండు పాత్ర‌ల మధ్య ఉన్న సంబంధం ఏమిట‌నేది ఈ సినిమాకి ఆయువు పట్టు. క‌మ‌ర్షియ‌ల్ సినిమాల్లో ఇప్పటి వరకూ రాని ఎలిమెంట్ ఈసినిమాలో క‌నిపిస్తుంద‌ని రామ్‌చ‌ర‌ణ్ ఊరిస్తున్నారు. ఇంట్ర‌వెల్‌కి వ‌చ్చే ట్విస్టు మైండ్ బ్లోయింగ్ అని చెబుతున్నారు. అదేంటో తెలుసుకోవాలంటే కొంత కాలం ఆగాలి.
