తెలుగు ఇండస్ట్రీలో మాస్ హీరోగా పేరు తెచ్చుకొని తెలుగు వారి గుండెల్లో అభిమానం సంపాదించిన హీరో మెగాస్టార్ చిరంజీవి. దాదాపు 9 ఏళ్ల విరామం తర్వాత మళ్లీ తెరపై కనిపిస్తున్నారు. తమిళంలో సూపర్ హిట్ సినిమా అయిన ‘కత్తి’ రిమేక్ గా తెలుగులో ‘ఖైదీ నెంబర్ 150’ తెరకెక్కించారు. అయితే చిరంజీవి నటించిన ఈ చిత్రంపై ఇప్పటికే భారీ అంచనాలు పెరిగిపోయాయి. రీసెంట్ గా చిరు తనయుడు రాంచరణ్ నటించిన ‘ధృవ’ సూపర్ హిట్ కావడంతో ఈ సినిమాపై కూడా అభిమానులు భారీ అంచనాలు వేసుకున్నారు.
ఈ రోజు ప్రపంచ వ్యాప్తంగా ‘ఖైదీ నెంబర్ 150’ రిలీజ్ అయ్యింది. ఇక ఓవర్ సీస్ లో అయితే అప్పుడే చిరు మేనియా తో దద్దరిల్లి పోతోంది . ప్రీమియర్ షోలకు బీభత్సంగా కలెక్షన్లు వస్తున్నాయి . కేవలం ప్రీమియర్ షోలతోనే వన్ మిలియన్ డాలర్లను వసూల్ చేసేలా ఉంది ఖైదీ నెంబర్ 150 చిత్రం . యు ఎస్ , యూకే , యు ఏ ఈ అన్న తేడా లేకుండా అన్ని చోట్లా కలెక్షన్ల కనక వర్షం కురుస్తోంది .
ఇంకా పండగ మూడు రోజులు ఉండగానే వసూళ్లు ఈ రేంజ్ లో ఉంటే వారం రోజుల తర్వాత లెక్కలు కడితే బాక్స్ లు బద్దలు కావలసిందే అన్న జోష్ లో ఉన్నారు మెగా ఫ్యాన్స్ . బాస్ సినిమా చాలాకాలం తర్వాత రిలీజ్ అవుతోంది అన్న ఉత్సాహంలో ఉన్నారు. మాస్, క్లాస్, కామెడీతో పాటు మంచి మెసేజ్ ఓరియెంటెడ్ తో చిరంజీవి రెండు పాత్రల్లో దుమ్మురేపారని అంటున్నారు. మొత్తానికి చిరు రీ ఎంట్రీ పెద్ద సంచలనమే సృష్టిస్తోంది.
