తెలుగు ఇండస్ట్రీలో నందమూరి బాలకృష్ణ 100వ చిత్రం ‘గౌతమి పుత్ర శాతకర్ణీ’. ఈ చిత్రం ప్రారంభం నుంచి ఎన్నో అంచనాలు పెరుగుతూ వచ్చాయి. ఫస్ట్ లుక్ మొదలు ట్రైలర్ వరకు సినిమాపై భారీ అంచనాలు పెరిగేలా చేశాయి. ఈ నెల 12 న ప్రపంచ వ్యాప్తంగా రిలీజ్ అయిన ‘గౌతమి పుత్ర శాతకర్ణీ’ అన్ని కేంద్రాల్లో హిట్ టాక్ వచ్చింది. ఈ చిత్రంలో బాలకృష్ణ నట విశ్వరూపం చూసి తెలుగు ఇండస్ట్రీ మొత్తం ప్రశంసల జల్లు కురిపించింది. ఇక డైరెక్టర్ గా క్రిష్ మరో విజయాన్ని తన ఖాతలో వేసుకోవడమే కాకుండా విమర్శకుల నుంచి ప్రశంసలు అందుకున్నారు.
ఈ చత్రంలో మరో స్పెషల్ పులోమావి’గా నటించిన ఆ బాలుడు. గౌతమి పుత్ర శాతకర్ణీ తనయుడిగా నటించిన పులోమావి అసలు పేరు స్నేహిత్ చౌదరి. ‘తాత.. వీడ్ని నువ్వు చంపుతావా.. నన్ను చంపమంటావా’ అనే ఒకే ఒక్క డైలాగ్‌తో ఆకట్టుకున్నాడు ఓ కుర్రాడు. సినిమా మొత్తంలో ముద్దుముద్దు మాటలు చెబుతూ అందరి హృదయాల్ని దోచుకున్నాడు. ఇక సినిమా ముందు ఎన్నో రిహాసల్స్ చేసిన తర్వాత కెమెరా ముందు డైలాగ్స్ కొడతారు.
కానీ ఈ చిచ్చర పిడుగు మాత్రం ‘దాన వీర శూర కర్ణ’ సినిమాలో చెప్పిన భారీ డైలాగ్‌ని చెప్పాడంటే.. అతని టాలెంట్ ఏంటో అర్థం చేసుకోవచ్చు. ఓ ప్రముఖ చానల్ కి ఇచ్చిన ఇంటర్వ్యూలో ముద్దుముద్దు మాటలు చెబుతూ అందరి హృదయాల్ని దోచేశాడు స్నేహిత్. ఖమ్మంజిల్లా బూడిదంపాడుకి చెందిన స్నేహిత్ చౌదరి ‘దాన వీర శూర కర్ణ’ చిత్రంలోని ఎన్టీఆర్ డైలాగ్స్ ఎలా చెప్పాడో ఓ లుక్కెయ్యండి.
