మెగా మేనళ్లుడిగా సినిమా సినిమాకు క్రేజ్ పెంచుకుంటూ వచ్చి సుప్రీం హీరోగా అవతరించిన సాయి ధరం తేజ్ రీసెంట్ గా విన్నర్ గా ప్రేక్షకుల ముందుకు వచ్చాడు. గోపిచంద్ మలినేని డైరెక్ట్ చేసిన ఈ సినిమా రొటీన్ కథ కథనాలతో వచ్చి ఇక్కడే యావరేజ్ టాక్ తెచ్చుకోగా ఓవర్సీస్ లో అయితే విన్నర్ కాస్త లూజర్ అయ్యాడని అంటున్నారు. మెగా మేనియాతో రచ్చ చేస్తున్న తేజ్ విన్నర్ గా కొత్త స్టైల్ తో కనిపించాడని కోటిన్నరకు పైగా ఈ సినిమా కొన్నారట.
ప్రీమియర్ షో.. ఫస్ట్ రోజు వసూళ్లు చూస్తే సినిమా అక్కడ కష్టమే అంటున్నారు. ఇక తెలుగు రాష్ట్రాల్లో అయితే శివరాత్రి వచ్చింది కాబట్టి మొదటి రోజు 5 కోట్ల పైన షేర్ రాబట్టగలిగారు. వీకెండ్ తో కలిపి ఇక్కడ పర్వాలేదు కాని ఓవర్సీస్ లో మాత్రం సినిమా నష్టాలు తీసుకురావడం ఖాయమని అంటున్నారు విశ్లేషకులు. హార్స్ రైడ్ నేపథ్యంతో తండ్రి సెంటిమెంట్ కూడా పొందుపరచిన ఈ కథతో మ్యాజిక్ చేయలేక రొటీన్ గా నడిపించాడు గోపిచంద్ మలినేని.
కలక్షన్స్ ఎలా ఉన్నా సినిమాలో మెగా పవర్ చూపించాడు సాయి ధరం తేజ్.. ఓ విధంగా తేజ్ కు ఓ కొత్త మేకోవర్ గా ఉంది విన్నర్ మూవీ.. సినిమా పరంగా కమర్షియల్ హంగులతో తన ఇమేజ్ పెంచే ప్రయత్నం చేశారు. కాని ఫలితమే అనుకున్న విధంగా రాలేదు. తేజ్ ఫైట్స్ రకుల్ అందాల కోసమే మెగా ఫ్యాన్స్ సినిమా చూస్తున్నారు.
