తెలుగు ఇండస్ట్రీలో ఎన్నో వండర్స్ క్రియేట్ చేసిన చిత్రం ‘బాహుబలి’. ప్రపంచ వ్యాప్తంగా తెలుగు ఇండస్ట్రీ సత్తా ఏంటో చాటి చెప్పిన ఈ చిత్రం సీక్వెల్ గా బాహుబలి 2 తెరకెక్కుతున్న విషయం తెలిసిందే. అయితే ఈ చిత్రానికి సంబంధించి ఫస్ట్ లుక్స్, ట్రైలర్ కూడా అప్పుడే రికార్డుల మోత మోగిస్తూ..సినిమాపై విపరీతమైన అంచనా పెంచేస్తుంది. బాహుబలి చిత్రం కోసం దర్శకధీరుడు రాజమౌళి రెండు సంవత్సరాలు కష్టపడి ఏ విషయంలోనూ కాంప్రమైజ్ కాకుండా అద్భుతమైన ఫ్యూజువల్ వండర్స్ తో తెలుగు ఇండస్ట్రీలో తనదైన ముద్ర వేశారు.
ఇప్పటి వరకు ఇండస్ట్రీలో ఎన్నో ఫాంటసీ చిత్రాలు, హిస్టారికల్ చిత్రాలు వచ్చాయి..కానీ ఈ చిత్రం వాటికి ఎంతో అడ్వాన్స్ గా ఉండటం చిత్ర ప్రత్యేకత. ప్రస్తుతం బాహబలి 2 చిత్రం ప్రమోషన్ బిజీలో ఉన్నారు చిత్ర యూనిట్. ఇక నిన్న హైదరాబాద్ లో ఐఫా అవార్డుల కార్యక్రం అంగరంగ వైభవంగా సాగింది. సినిమా ఇండస్ట్రీ దిగ్గజాలు అంతా ఎంతో సందడి చేశారు. ఈ కార్యక్రమానికి యంగ్ టైగర్ ఎన్టీఆర్ ప్రత్యేక ఆకర్షనగా నిలిచారు.
అక్కడ ఏర్పాటు చేసిన ‘బాహుబలి వీఆర్‌’ జోన్‌కు వెళ్లి బాహుబలి క‌త్తి, డాలు ప‌ట్టుకొని ఫొటోల‌కు పోజులిచ్చాడు. బాహుబలి సినిమాలో ప్రభాస్ వినియోగించిన ఆయుధాలు ప‌ట్టుకున్న ఎన్టీఆర్ ఫొటోను ఆ సినిమా బృందం త‌మ ట్విట్ట‌ర్ ఖాతాలో పోస్టు చేసింది. రాజమౌళి ఇండస్ట్రీలోకి ఎంట్రీ ఎన్టీఆర్ తో ‘ స్టూడెంట్ నెం.1’ తో మొదలు పెట్టారు. ఆ తర్వాత సింహాద్రి, యమదొంగ లాంటి సూపర్ హిట్ సినిమాలను ఇచ్చిన విషయం తెలిసిందే.
