తెలుగు ఇండస్ట్రీలో ఇప్పటి వరకు సీక్వెల్ గా ఎన్నో సినిమాలు వచ్చాయి. కానీ ఏ సినిమాలో కూడా సెకండ్ పార్ట్ పై క్యూరియాసిటీ పెంచే విధంగా తీయలేదు. కానీ దర్శకధీరుడు రాజమౌళి తెరకెక్కించిన బాహుబలి చిత్రంలో మాత్రం క్లయిమాక్స్ చాలా అద్భుతంగా తీశారు. ఈ సినిమాలో అమరేంద్ర బాహుబలికి ఎంతో నమ్మకస్తుడైన కట్టప్ప వెన్నుపోటు పోడవడం అందరినీ ఆశ్చర్యపరిచింది. అయితే అప్పటి నుంచి అందరి మదిలో ఒకటే ప్రశ్న..కట్టప్ప బాహుబలిని ఎందుకు చంపాడు.
ఈ ప్రశ్న భారత దేశంలోనే కాదు ప్రపంచ వ్యాప్తంగా అందరికీ కలిగిన సందేహం. అయితే బాహుబలిని కట్టప్ప ఎందుకు చంపాడు అన్న విషయం రాజమౌళి చాలా సీక్రెట్ గా మెయింటేన్ చేస్తూ వచ్చాడు. ఈ విషయంపై ఎన్ని ఇంటర్వ్యూలు ఇచ్చినా ఇతర విషయాలపై డైవర్ట్ చేస్తూ వచ్చాడు. అంతే కాదు ఇందులో నటులు కూడా కట్టప్ప బాహుబలిని ఎందుకు చంపాడన్న ప్రశ్నకు తప్ప అన్ని జవాబులు చెబుతున్నారు. అయితే ఈ విషయంపై సోషల్ మీడియాలో భిన్న కథనాలు వెలువడుతున్నాయి.
తాజాగా హీరో ప్రభాస్ ఓ చానల్ కి ఇచ్చిన ఇంటర్వ్యూలో బాహుబలిని కట్టప్ప ఎందుకు చంపాడో క్లారిటీ ఇచ్చాడు. బహుశా బల్లాల దేవుడ్ని చంపబోయి చీకట్లో కట్టప్ప బాహుబలిని హతమార్చి వుంటాడనే ఒపీనియన్ని వ్యక్తం చేశాడు. అయితే ఈ విషయం ఆయన నోటి వెంట ఎందుకు వచ్చిందో తెలియదు కానీ ఇప్పుడు దీనిపై సోషల్ మీడియాలో కొత్త చర్చలు మొదలయ్యాయి.
సినిమా రిలీజ్కి రెండురోజుల ముందు ప్రభాస్ ఈ సీక్రెట్ని నార్మల్గా బయటపెట్టడమే ఆశ్చర్యకరం. రెండేళ్లుగా అభిమానులను వెంటాడుతున్న ఈ ప్రశ్నకు ఇలా సింపుల్గా బాహుబలి తేల్చేయడాన్ని పెద్దగా ప్రయార్టీ లేని విషయంగా చెప్పుకోవచ్చునని అంటున్నారు. ఏది ఏమైనా మరో రెండు రోజులు ఐదు సంవత్సరాల నిరీక్షణ ఫలితం దక్కబోతుందని అంటున్నాడు ప్రభాస్.