ప్రపంచమంతా ఆసక్తిగా ఎదురు చూసిన బాహుబలి సినిమా విడుదలైంది. థియేటర్ల వద్ద కలెక్షన్ల వర్షం కురిపిస్తోంది. రాజమౌళి అండ్ టీమ్ సంవత్సరాల తరబడి కష్టపడి తెరకెక్కించిన ఈ చిత్రం ప్రేక్షకులను విపరీతంగా ఆకట్టుకుంటోంది. సినిమాకు కూడా మంచి రిపోర్టులు వస్తున్నాయి. ఈ సినిమాకు ఆయువుపట్టుగా నిలిచిన అంశాల్లో సంగీతం ఒకటి.
ఐతే.. బాహుబలి 1కు మంచి మ్యూజిక్ ఇచ్చిన కీరవాణి.. సెకండ్ పార్ట్ కు మాత్రం ఆకట్టుకునే మ్యూజిక్ ఇవ్వడంలో విఫలమయ్యాడని కొందరు ఫ్యాన్స్ థియేటర్ల దగ్గర అభిప్రాయపడుతున్నారు. రాజమౌళి బాహుబలి 2 సినిమాను అత్యద్భుతంగా తీసినా.. కీరవాణి మాత్రం మ్యూజిక్ విషయంలో ఆశించిన స్థాయిలో అందివ్వలేదని కొందరు మాట్లాడారు.
భావోద్వేగాలు ప్రధానాంశంగా తెరకెక్కిన బాహుబలి 2 పార్ట్ కు సంగీతం చాలా కీలకమైన అంశం. అలాంటి ఈ సినిమా సంగీతం విషయంలో తాము సంతృప్తి చెందలేదని కొందరు ఫ్యాన్స్ ఫీలయ్యారు. కీరవాణి ఇంకాస్త శ్రద్ధ పెట్టి ఉంటే సినిమా మరింత బాగా వచ్చేదని అభిప్రాయపడ్డారు. ఐతే సినీ విమర్సకులు మాత్రం కీరవాణి సంగీతంపై సంతృప్తి చెందారు. ఈ సినిమాను నిలబెట్టిన అంశాల్లో కీరవాణి సంగీతం ఒకటి అని అభిప్రాయపడ్డారు.
