సాధారణంగా ప్రపంచంలో మనిషిని పోలిన మనుషులు ఏడుగురు ఉంటారని అంటూ ఉంటారు. ఈ మద్య సోషల్ మీడియా పుణ్యమా అని మనిషిని పోలిన మనుషులు అక్కడక్కడా కనిపిస్తున్నారు. కొన్ని పోలికలు ఇద్దరివి కలిసినా..అచ్చు గుద్దినట్లు ఉండటం కష్టం. అయితే కొంత మంది కవలలు మాత్రం చాలా వరకు ముఖాలు అచ్చుగుద్దినట్టు ఉంటాయి. తాజాగా ఓ చిన్నారి ఇప్పుడు సోషల్ మీడియాలో హల్ చల్ సృష్టిస్తుంది.
ఇంతకీ ఈ ముద్దుల చిన్నారి అంతగా హల్ చల్ చేయడానికి కారణం ఏంటా అని అనుకుంటున్నారు..! ఆ పాపను చూస్తే ఒకప్పుడు తెలుగు ఇండస్ట్రీనీ తన అందచందాలతో ఉర్రూతలూగించిన ‘అతిలోక సుందరి’గా గుర్తించబడిన హీరోయిన్ శ్రీదేవి చిన్నతనం గుర్తుకు వస్తుంది. ఈ పాప అచ్చం చిన్ననాటి శ్రీదేవి పోలికలతో ఉన్నట్లు కనిపిస్తుంది. తన అందాలు అద్భుతమైన నటనతో టాలీవుడ్‌, బాలీవుడ్‌ అన్న తేడా లేకుండా అభిమానులను ఆకట్టుకున్న నటి శ్రీదేవి పోలికలతో ఉన్న ఓ చిన్నారి వీడియో ఇపుడు సోషల్ మీడియాలో వైరల్‌ గా మారింది.
నెలల వయసున్న ఈ చిన్నారి అచ్చం ..అచ్చుగుద్దినట్టు.. అతిలోకసుందరి శ్రీదేవిలా వుంది. కళ్ళు, ముక్కు, టోటల్‌గా శ్రీదేవి మాదిరిగా వున్న ఈ చిన్నారి వీడియో సోషల్‌మీడియాలో తెగ హల్ చల్ చేస్తుంది. పాప భయంతో బిక్క మొహం పెట్టిందిగానీ, నవ్వితే ఆ చిన్నారి హావభావాలు మొత్తం శ్రీదేవి చిన్ననాడు ఇలాగే ఉందేమో అనిపించేలా ఉంది.
