తెలుగు ఇండస్ట్రీలో అక్కినేని నాగార్జున సరసన డాషింగ్ డైరెక్టర్ పూరి జగన్నాథ్ తెరకెక్కించిన ‘సూపర్’ చిత్రంతో హీరోయిన్ గా ఎంట్రీ ఇచ్చిన అనుష్క అతి తక్కువ కాలంలో అగ్ర హీరోల సరసన నటించి నెంబర్ వన్ హీరోయిన్ గా వెలిగిపోయింది. ప్రస్తుతం ఈ అమ్మడు తెలుగు, తమిళ ఇండస్ట్రీలో బిజీ హీరోయిన్. ఇక బాహుబలి చిత్రంతో ఏకంగా జాతీయ స్థాయిలో గుర్తింపు పొందింది.
ఈ మద్య సినీరాజకీయ ప్రముఖుల గత జన్మల విశేషాలు చెబుతూ సంచలనంగా మారుతున్నారు ప్రముఖ ఆస్ట్రో సైకాలజిస్ట్ ఎస్వీ నాగనాథ్. సెలబ్రెటీలు గత జన్మలో ఎక్కడ ఏ రూపంలో జన్మించారు? ఎలాంటి పరిస్థితులు ఎదుర్కున్నారు? ఎలా చనిపోయారు? అనే విషయాలను తెలుపుతూ ఎస్వీనాగ్నాథ్ చేస్తున్న ప్రొగ్రాం ఇప్పుడు హాట్ టాపిక్ అవుతున్న విషయం తెలిసిందే. ఇప్పటికే ఎన్టీఆర్, పవన్ కళ్యాన్, అల్లు అర్జున్, రాజమౌళి, వైఎస్ జగన్ ల గత జన్మల గురించి వివరించారు. తాజాగా ఎస్వీ నాగనాథ్ అందాల బొమ్మాళి అనుష్కకు సంబంధించిన గత జన్మ రహస్యాలు చెప్పారు.
పూర్వ జన్మలో అనుష్క రష్యాలో జన్మించిందని అస్ట్రో సైకాలజిస్ట్ నాగ్నాథ్ తెలిపారు. అప్పట్లో ఆమె అపురూప సౌందర్యవతి అని చెప్పారు. ఈ దేవసేన పూర్వజన్మ జాతకంలో అనేక ఎత్తుపల్లాలు జరిగాయట. అందంతో కూడిన అహంకారం ఆమె జీవితాన్నే మార్చేసిందని చెప్పారు. తనకంటూ 20 ఏళ్లు పెద్ద వ్యక్తి అయిన ఓ కళాకారుడిని పెళ్లాడిందట. ఆ జన్మలో అనుష్కకు పిల్లలు లేరట. అనారోగ్య సమస్యలతోనే అనుష్క గత జన్మ ముగించిందట. అప్పటి పరిస్థితుల ప్రభావం వల్ల ఆమె లైఫ్లో ఊహించని అనేక పరిణామాలు జరిగినట్టు నాగ్నాథ్ తెలిపారు.