బిగ్ బాస్ షో ఆసక్తికరంగా సాగుతోంది. స్టార్ మా లో ప్రసారమవుతున్న ఈ షోలో ఎప్పటికప్పుడు సర్ ప్రైజెస్ ఇస్తున్నాడు హోస్ట్ ఎన్టీఆర్. ఈ వారం హీరో నవదీప్ కు వైల్డ్ కార్డ్ ఎంట్రీ ఇచ్చారు. అయితే వచ్చే వారం ఎలిమినేషన్ ప్రక్రియలో ఓ ఆసక్తికరమైన సంఘటన జరిగింది. ఓటింగ్ లో పాల్గొన్నవాళ్లంతా దాదాపు అర్చన ఇంట్లో ఉండొద్దని తేల్చిచెప్పారు.
వచ్చే వారం ఎలిమినేషన్ ప్రక్రియ ప్రారంభమైంది. సోమవారం ఓటింగ్ జరిగింది. ఈ ఓటింగ్ లో 9మంది సభ్యులు పాల్గొన్నారు. వీరిలో 8 మంది అర్చనకు వ్యతిరేకంగా ఓటేశారు. అర్చన బిహేవియర్ సరిగా లేదని.. పట్టుకున్న అంశాన్ని పదేపదే లాగుతూ సభ్యులను ఇరిటేట్ చేస్తోందని సభ్యులందరూ మూకుమ్మడి అభిప్రాయం వ్యక్తం చేశారు.
9 మంది ఓటేస్తే 8 మంది తనకు వ్యతిరేకంగా ఓటేయడంపై అర్చన ఆశ్చర్యం వ్యక్తం చేసింది. అంతేకాదు.. తానేం తప్పు చేశానంటూ అంతర్మథనంలో పడింది. తాను ఎంతో ఇష్టపడే వాళ్లు కూడా తనకు వ్యతిరేకంగా ఓటేయడంపై అర్చన ఆవేదన వ్యక్తం చేసింది.
అర్చన తర్వాత అత్యధికంగా 5 ఓట్లు ధన్ రాజ్ కు పడ్డాయి. దీంతో అర్చన, ధన్ రాజ్, ముమైత్, హరితేజ వచ్చేవారం ఎలిమినేషన్ కు నామినేట్ అయ్యారు. ముమైత్, హరితేజ గతవారం స్వచ్చంధంగా ఎలిమినేషన్ కు నామినేట్ చేసుకున్నారు.
