చట్టం ముందు అందరూ సమానమే అని మరోసారి రుజువైంది. తాగి వాహనం నడిపితే ఎంతటి వారికైనా చట్టం శిక్ష విధిస్తుందని ఆ హీరో విషయంలో రుజువైంది. వివరాల్లోకి వెళితే..జర్నీ' సినిమా ద్వారా తెలుగు ప్రేక్షకులకు పరిచయం అయిన తమిళ నటుడు జై... కొంత కాలంగా హీరోయిన్ అంజలితో ప్రేమాయణం నడుపుతున్న సంగతి తెలిసిందే. ప్రస్తుతం అంజలి ‘బెలూన్’ చిత్రంలో హీరోయిన్ నటిస్తున్న విషయం తెలిసిందే.
ఈ చిత్రంలో హీరో జై కీలక పాత్రలో నటిస్తున్నాడు. ప్రస్తుతం ఇద్దరూ ఎవరి సినిమాల్లో వారు బిజీగా ఉంటూ.... బాగా సెటిలైన తర్వాత పెళ్లి చేసుకునేందుకు ప్లాన్ చేసుకుంటున్నారు. షాపింగ్ మాల్ సినిమా సమయంలో ఏర్పడిన వీరి పరిచయం ఆ తర్వాత ప్రేమగా మారింది. చాలా రోజుల వరకు రహస్యంగా, చాటు మాటుగా యవ్వారం సాగించిన ఈ ఇద్దరు కొన్ని రోజుల క్రితమే ఓపెన్ అయ్యారు.
తాజాగా హీరో జై డ్రంక్ డ్రైవ్ కేసులో పట్టుబడ్డాడు. చెన్నైలోని ఓ పార్టీలో పాల్గొన్న జై తర్వాత ఇంద్రానగర్లోని తన ఇంటికి కారు డ్రైవ్ చేసుకుంటూ వెళ్లాడు. మద్యం మత్తులోవున్న జై.. మార్గమధ్యలో అద్యార్ ఫ్లైఓవర్ దగ్గర డివైడర్కి కారు ఢీ కొట్టాడు.
ఈ ప్రమాదంలో తన ఆడి కారుకి బాగానే డ్యామేజ్ అయ్యింది. జై కి కూడా చిన్న చిన్న గాయాలు అయ్యాయి. పోలీసులు అతడిపై రాష్ డ్రైవింగ్, డ్రంక్ అండ్ డ్రైవ్ కేసులు నమోదు చేశారు. ఆ తర్వాత బెయిల్పై రిలీజ్ అయ్యాడు ఈ నటుడు.