తెలుగు ఇండస్ట్రీలో నందమూరి హీరో ఎన్టీఆర్, డాషింగ్ డైరెక్టర్ పూరి జగన్నాధ్ కాంబినేషన్ లో వచ్చిన ‘టెంపర్’ సినిమా ఎంత పెద్ద హిట్ అయ్యిందో కొత్తగా చెప్పాల్సిన అవసరం లేదు. ఈ సినిమాల ఏ ముహూర్తంలో తెరకెక్కించారో కానీ..ఎన్టీఆర్ కి గోల్డెన్ టైమ్ నడుస్తుంది. టెంపర్ చిత్రం తర్వాత నాన్నకు ప్రేమతో, జనతా గ్యారేజ్, జై లవ కుశ లాంటి సూపర్ హిట్స్ అందుకున్నాడు.
ఈ సినిమాలో ఎన్టీఆర్ ఫస్ట్ టైమ్ నెగిటీవ్ షేడ్స్ లో కనిపించాడు. తాజాగా ఈ సినిమా బాలీవుడ్ లో రిమేక్ అవుతున్న విషయం తెలిసిందే. ఈ సినిమాను రోహిత్ శెట్టి దర్శకత్వంలో కరణ్ జొహార్ హిందీలో రీమేక్ చేస్తున్నాడు. దీనికి ‘సింబా’ అనే టైటిల్ ను ఖరారు చేశారు. ఈ సినిమాలో రణ్ వీర్ సింగ్ ప్రధాన పాత్ర పోషిస్తుండగా, ఆ పాత్ర పేరు 'సంగ్రామ్ సింగ్'.
తాజాగా ఈ సినిమా ఫస్ట్ లుక్ విడుదల చేశారు. బాలీవుడ్ లో మంచి ఎనర్జిటిక్ హీరోగా గుర్తింపు తెచ్చుకున్న రణవీర్ సింగ్ నెగిటీవ్ షేడ్స్ లో కూడా బాగా నటించి మెప్పించారు. ఈ మద్య భారత దేశంలో పెను సంచలనాలకు కేంద్రంగా నిలిచిన ‘పద్మావతి’ చిత్రంలో అల్లావుద్దీన్ ఖిల్జీగా నటించాడు. ఇక పోస్టర్ విషయానికి వస్తే..పాతతరం సినిమా పోస్టర్ ను తలపించేలా డిజైన్ చేసిన ఫస్ట్ లుక్ బాలీవుడ్ సినీ ప్రేమికులను ఆకట్టుకుంటోంది.
ఈ సినిమాను ధర్మ ప్రొడక్షన్స్, రిలయన్స్ ఎంటర్ టైన్ మెంట్స్, ఆర్ఎస్ పిక్చర్స్ సంయుక్తంగా నిర్మిస్తున్నాయి. 2018 ఆరంభంలో షూటింగ్ ప్రారంభించి అదే ఏడాది డిసెంబర్ 28న సినిమా విడుదల చేయాలని నిర్మాత భావిస్తున్నాడు.