మెగా బ్రదర్ నాగబాబువారసుడు వరుణ్ తేజ్ నటిస్తున్న సినిమాకు ‘గొల్లభామ’ అనే టైటిల్ విపరీతంగా ప్రచారంలోకి వచ్చింది. అయితే అనూహ్యంగా ఈ మెగా వారసుడు కుడా తన కొత్త సినిమాకు టైటిల్ గా క్ర్రిష్ణ శబ్దం అర్ధం వచ్చేలా ‘ముకుందా’ అనే టైటిల్ కి ఓటు వేసినట్లుగా వార్తలు వస్తునాయి.
వరుణ్ తేజ్ టాలీవుడ్ ఎంట్రీ ఇస్తున్న ఈ సినిమా షూటింగ్ ప్రస్తుతం చాలా వేగంగా జరుగుతున్న విషయం తెలిసిందే. శ్రీకాంత్‌ అడ్డాల దర్శకత్వం వహిస్తున్న ఈ సినిమా గ్రామీణ నేపథ్యంలో సాగే ప్రేమకథ అని టాక్. అయితే ఈ సినిమాకు ‘గొల్లభామ’ టైటిల్ పూర్తి గా నప్పినా గొల్లభామ టైటిల్ ఓ సామాజిక వర్గాన్ని టార్గెట్ చేసినట్లుగా ఉందని విమర్శలు రావడంతో ఈ సినిమా యూనిట్ అంతా 'ముకుందా' వైపు మొగ్గు చూపుతున్నట్లు వార్తలు వస్తున్నాయి.
గ్రామీణ నేపథ్యంలో రొమాంటిక్‌ ఎంటర్‌టైనర్‌గా తెరకెక్కుతున్న ఈచిత్రంలో వరుణ్‌తేజ్‌ బాస్కెట్ బాల్ క్రీడాకారుడిగా కనిపిస్తాడని ఫిలిం నగర్ టాక్. దీపావళి తరువాత ఈ సినిమా విడుదల అవుతుందని అంటున్నారు. ఈ సినిమాలో వరుణ్ తేజ్ కోసం అటు బన్నీ ఇటు చెర్రీ కూడ రెండు ప్రత్యేక పాత్రలలో కనిపిస్తారనే రూమర్ ఉంది.
ఏమైనా తనబాబాయి పవన్ లాగే అబ్బాయి వరుణ్ తేజ్ కూడ తన సినిమాకు కృష్ణుడినే నమ్ముకున్నాడు అనుకోవాలి.
