ప్రముఖ దర్శకుడు శంకర్ తెరకెక్కించిన అప్ కమింగ్ ఫిల్మ్ ఐ కి సంబంధించిన కొన్ని విషయాలు అందర్ని ఆశ్ఛర్యపరుస్తున్నాయి. దాదాపు 180 కోట్ల బడ్జెట్ తో తెరకెక్కించిన ఐ మూవీకి ఏ విధంగా బిజినెస్ చేయాలనేది నిర్మాతలకు, దర్శకుడికి పెద్ద సవాల్ గా మారింది. దీంతో ఐ మూవీకి సంబంధించిన మోషన్ పోస్టర్ ని దర్శకుడు శంకర్ రిలీజ్ చేశాడు. ఆ పోస్టర్ ని చూసిన వెంటనే, సినీ ప్రేక్షకులు ఐ మూవీపై భారీ అంచనాలను పెట్టుకున్నారు. అంతే కాకుండా ఈ మూవీపై బిజినెస్ కూడ శరవేగంగా జరుగుతుంది.
ఇదిలా ఉంటే ఐ మూవీ ఆడియో ఫంక్షన్ చాలా గ్రాండ్ గా జరుపటానికి ప్లానింగ్స్ జరుగుతున్నాయి. సంచలన దర్శకుడు శంకర్ తాజా చిత్రం 'ఐ' ఆడియో పంక్షన్ కు హాలీవుడ్ యాక్షన్ స్టార్ ఆర్నాల్డ్ ష్క్వార్జ్ నెగ్గర్ వస్తున్నారు. చెన్నైలో ఈ నెల 15న జరిగే ఈ వేడుకలో ముఖ్య అతిథిగా పాల్గొననున్నారు. ష్క్వార్జ్ నెగ్గర్ స్వయంగా ఈ విషయాన్ని వెల్లడించారు. 32 సెకెన్ల నిడివిగల యూ టూబ్ వీడియోలో తన అభిమానులనుద్దేశించి మాట్లాడారు. 'అద్భుతమైన చిత్రాన్ని తీసిన గొప్ప దర్శకుడు శంకర్ కు నా అభినందనలు. 'ఐ' ఆడియో విడుదల కార్యక్రమంలో పాల్గొంటున్నాను. సినిమా తప్పకుండా విజయవంతమవుతుంది ' అని ష్క్వార్జ్ నెగ్గర్ అన్నారు.
విక్రమ్ హీరోగా నటించిన 'ఐ' చిత్రానికి సంగీత మాంత్రికుడు ఏఆర్ రెహ్మాన్ స్వరాలందించారు. ఆర్నాల్డ్ ష్క్వార్జ్ ఈ ఐ మూవీ ఆడియో ఫంక్షన్ కి వస్తున్నాడటంతో ఇండియన్ ఫిల్మ్ ఇండస్ట్రీ ఒక్కసారిగా ఐ మూవీ వైపు చూస్తుంది. అంతే కాకుండా ఐ మూవీ ఇండియన్ బాక్సాపీస్ ని షేక్ చేయటమే కాకుండా, ఇండియన్ ఫిల్మ్ ఇండస్ట్రీ స్టామినాను సైతం పెంచేస్తుందని అంటున్నారు. మొత్తానికి శంకర్ దర్శకత్వంలో రాబోతున్న మూవీ కోసం యావత్ ఫిల్మ్ ఇండస్ట్రీతో పాటు, సినీ ప్రేక్షకులు సైతం ఎదురు చూస్తున్నారు.
