నిన్న సాయంత్రం బుల్లితెర సాక్షిగా అలీ వదిలిన సవాల్ అందరికీ షాక్ ఇచ్చింది. ఇప్పటి వరకు బూతు సెటైర్లు వేసే అలీ ఈ స్థాయిలో మాట్లాడగలడా అని అనిపించేడట్లుగా చేసింది. ప్రముఖ ఛానల్ ప్రసారం చేసిన ‘అలీవుడ్ స్పెషల్’ కార్యక్రమంలో అలీ ఈ సవాల్ విసిరాడు. ఈమధ్య తన పై వస్తున్న గాసిప్పులకు ఘాటైన సమాధానాలు ఈ కార్యక్రమంలో ఇచ్చాడు.
ఈ కార్యక్రమాన్ని నిర్వహించిన ప్రెజంటర్ ఈమధ్య ‘సన్నాఫ్ సత్యమూర్తి’ ఆడియో విడుదల కార్యక్రమంలో యాంకర్ సుమ అలీకి వార్నింగ్ ఇచ్చింది అంటూ వచ్చిన వార్తలను అలీ దృష్టికి తీసుకు వచ్చి ప్రశ్నించినప్పుడు ఆ వార్తలన్నీ గాలి వార్తలు అంటూ సునాయాసంగా తీసిపడేసి ‘అలీకి వార్నింగ్ ఇవ్వగల వ్యక్తి టాలీవుడ్ లో ఇంతవరకు ఎవ్వరూ పుట్టలేదు’ అంటూ నవ్వుతూ షాకింగ్ కామెంట్స్ చేసాడు అలీ.
ఇదే విషయం పై మరింత వివరణ ఇస్తూ యాంకర్ సుమ తన కొడుకు పుట్టినరోజు కాబట్టి తాను తొందరగా వెళ్ళిపోతాను అని తనతో చెపుతూ స్టేజ్ వెనుకకు తనను రప్పించి మాట్లాడితే సుమ తనకు వార్నింగ్ ఇచ్చింది అంటూ వార్తలు పుట్టిoచారని కామెంట్స్ చేసాడు అలీ. సుమ తనకు ఒక సోదరి వంటిది అనీ చెప్పుకొచ్చాడు.