రాజమౌళి భారీ బడ్జెట్ తో తీర్చిదిద్దిన చిత్రం ‘బాహుబలి’ జూలై 10 న ప్రేక్షకుల ముందుకు రాబోతుంది. ఈ సినిమా విడుదల కోసం ప్రేక్షకులు ఎంతో ఆసక్తిగా ఎదురు చూస్తున్నారు. ఇప్పటికే ఈ సినిమాకు సోషల్ మీడియాలో ఏ సినిమాకు రాని ప్రచారం వచ్చింది. చిత్రయూనిట్ కూడా శక్తి వంచన లేకుండా ప్రమోషన్స్ వర్క్ లో పాల్గొంటున్నారు. సినిమా చేస్తున్నప్పుడు తమ అనుభవాలు అభిమానులతో పంచుకుంటూ ‘బాహుబలి’కి విపరీతమైన ప్రచారం చేస్తున్నారు.

బాహుబలి పోస్టర్


 బాహుబలి విడుదల రోజు మార్నింగ్ బెనిఫిట్ షో ల ఏర్పాట్లు జరుగుతున్నాయి. అయితే ఈ రోజు కోసమే ప్రభాస్ అభిమానులు ఎంతగానో ఎదురు చూస్తున్నారు. ఈ నెల 10 న తెల్లవారుజామునా ఈ సినిమా బెనిఫిట్ షో లు చెన్నై , ముంబై తో పాటు హైదరాబాద్ లో ప్లాన్ చేశారు. అయితే హైదరాబాద్ లో కూడా ఆ రోజు ఉదయం 5 గంటలకే బెనిఫిట్ షో వేస్తున్నట్లు సమాచారం. మరి ఈ బెనిఫిట్ షో టిక్కెట్ల రేట్లు కూడా భారీగానే ఉన్నాయట. కేటగిరీల ప్రకారం టిక్కెట్లు 3,4,8 వేల వరకు ఉండవచ్చని సమాచారం.


మరింత సమాచారం తెలుసుకోండి: