అమెరికాలో విద్వేషానికి హిందువులు ఎక్కువగా బాధితులవుతున్నారని వర్జీనియాకు చెందిన న్యాయవాది వింద్య అడపా అన్నారు. విద్వేషపూరిత నేరాలకు వ్యతిరేకంగా అవగాహన ర్యాలీ చేపట్టినట్లు తెలిపారు. ఇది ట్రంప్‌ యంత్రాగానికి వ్యతిరేకంగా చేస్తున్న ఆందోళన కాదని, విద్వేషనేరాలకు వ్యతిరేకంగా తమకు ట్రంప్‌ యంత్రాంగం మద్దతివ్వాలని కోరుతున్నామని ఆమె పేర్కొన్నారు. అధ్యక్షుడు ఇలాంటి ఘటనలను తీవ్రంగా ఖండించాలని కోరుతున్నట్లు చెప్పారు. హిందువులు, సిక్కులను మద్యప్రాచ్యదేశాలకు చెందినవారిగా పొరపడుతున్నారన్నారు. విద్వేష నేరాలకు పాల్పడిన వారికి కఠిన శిక్షలు పడేలా చర్యలు తీసుకోవాలని కోరుతూ వారు వినతిపత్రం సమర్పించారు.
