రాహుల్ గాంధీ గిన్నీస్ రికార్డులకు ఎక్కడం ఎంటనేగా మీ అనుమానం..? అవును ఇది పచ్చి నిజం రాహుల్ గాంధీ త్వరలో గిన్నీస్ బుక్ ఆఫ్ రికార్డులకు ఎక్కబోతున్నారు. ఇంతకీ రాహుల్ సాధించిన ఘనత ఏంటనే గా మీ ప్రశ్న..? ఎవరైనా గిన్నీస్ రికార్డులకు ఎక్కాలంటే ఎందులోనైనా గెలిచి సాధించాలి. కానీ రాహుల్ మాత్రం దీనికి పూర్తిగా విభిన్నంగా ఓడిపోయి గిన్నీస్ రికార్డుల్లోకి ఎక్కుతున్నారు. అయితే రాహుల్ ని గిన్నీస్ బుక్ లోకి ఎక్కేలా చేసింది ఎవరో తెలుసా..?
మధ్యప్రదేశ్ కు చెందిన విశాల్ దివాన్ అనే ఓ ఇంజనీరింగ్ విద్యార్థి ఏకంగా రాహుల్ ని ఓటముల వీరుడిగా గిన్నీస్ బుక్ లోకి ఎక్కించాలని కోరుతూ దరఖాస్తు చేశాడు. అందుకు అవసరమైన రుసుమునుకూడా చెల్లించాడు. దీనికి కారణాలను సైతం ఆ యువకుడు వెల్లడించాడు. గత ఐదు సంవత్సరాల కాలంలో 27 ఎన్నికల్లో ప్రచారం చేసి ఘోర పరాజయాన్ని చవి చూసారని తెలిపాడు. ఇంతగా పరాభవం పాలైన నాయకులు మన దేశంలో రాహుల్ తప్ప ఎవరు లేరని ఆ దరఖాస్తులో తెలియజేశాడు.
అమెరికా కేంద్రంగా పనిచేసే గిన్నీస్ రికార్డ్స్ సంస్థ విశాల్ పెట్టుకున్న దరఖాస్తును పరిశీలనకు స్వీకరించింది. అయితే, రిజల్ట్ ఏంటన్నది త్వరలోనే తెలుస్తుంది. అయితే, రాహుల్ గాంధీ రాబోయే కాలంలోనైనా ఈ అపప్రదనుంచి బయటపడతాడా లేక కార్టూన్ క్యారెక్టర్ గా మిగిలి పోతాడా? చూడాలి. అయితే ఇటీవల కాలంలో ముఖ్యంగా ఉత్తరప్రదేశ్ ఎన్నికల్లో ఘోర ఓటమి పాలైన తర్వాత రాహుల్ పై సోషల్ మీడియా లో విపరీతమైన జోకులు రావడం మనం గమనించవచ్చు.
