ప్రపంచ దేశాల్లో చిన్న దేశమే అయిన అత్యంత ఆధునికమైన టెక్నాలజీ, సాంకేతిక పరిజ్ఞానం ఉన్న జపాన్ మరో అద్భుతమైన ప్రయోగం చేసి అందరిని ఆశ్చర్యంలో ముంచెత్తింది. ముఖ్యంగా జపాన్ దేశస్తులు రోబోల తయారీలో ముందంజలో ఉన్నారు. తాజాగా జపాన్ శాస్త్రవేత్తలు ఓ నాలుగు కాళ్ల రోబోను తయారుచేశారు. దీని ప్రత్యేకత ఏంటంటే..వేగాన్నిబట్టి దానంతట అదే నడిచే పద్ధతిని మార్చుకోవడం..అవసరమైతే రెండు కాళ్లపై కూడా నడవటం చేస్తుంది.
ఇప్పటికే ఎన్నో రకాల రోబోలను కనిపెట్టిన జపాన్ శాస్త్రవేత్తలు ఈ రోబోలో చాలా ఫీచర్స్ ఏర్పాటు చేశారు. ముఖ్యంగా ఈ రోబోను ఏదైనా విపత్తు సంభవించినపుడు..సహాయక చర్యల కోసం ఉపయోగిస్తారట.
అయితే ఈ రోబో కేవలం నడవడం, పరిగెత్తడమే కాకుండా కొండలు, గుట్టలు, గోడలు, కంచెల వంటివాటిని సులభంగా ఎక్కేస్తుందని..అందువల్ల ఎలాంటి ప్రమాదంలో దేనినైనా రక్షించగల సామర్థ్యం ఉందని తయారీదారులైన టోక్యో యూనివర్సిటీ శాస్త్రవేత్తలు చెబుతున్నారు.