కొంతమంది తెలుగు స్టార్ హీరో లను గమనించండి. వారి వెంట ఆయన కులానికి చెందిన కొందరు "కిచెన్ కాబినెట్" లా తిరుగుతుంటారు. "మనోడు మనోడు" అంటూ ముచ్చట పడుతూ ఆయనకు తముకేస్తూ కులం గురించి తమ ఛాతిని విశాలం చేస్తూ తెగ ఊదర కొడుతుంటారు. అవన్నీ వినేవాళ్ళు మన హీరో కూడా కుల పిచ్చి గాడేమో అనుకునే ప్రమాదముంది.
నిజమే కదా! ఈ కుల మత్తును సినిమారంగంలో వివిధరంగాల్లో పనిచేసేవారు ఎక్కించుకుంటే ఎలా? మన లీడింగ్ హీరోల కులాలకు చెందివారెవరూ ముఖ్యంగా ఇప్పుడున్న స్టార్ హీరోయిన్లు, విజువల్ ఎఫెక్ట్స్ నిపుణులు, సాంకేతిక నిపుణులు, ఎడిటర్లు, రచయితలు, సంభాషణలు రాసేవారు, మేకప్ ఆర్టిస్టులు, లైట్లు మోసే లైట్ మ్యాన్స్, కెమెరామ్యాన్లు అందరూ వేరే కులాలవారే. అలాంటప్పుడు అంతమంది కలసి తీసిన సినిమాకు, మా హీరోది ఆ కులం కాబట్టి మా సినిమాలను మా కులం ఫ్యాన్స్ బాగా చూస్తారు అన్నట్లు మౌత్ పబ్లిసిటీ చేయడం దారుణం. ఏ సినిమా అయినా కూడా అన్ని కులాల వారు చూస్తేనే ఆడుతుంది. మరి హీరోల పక్క నుండే కొన్ని నక్కలకు ఇవన్నీ అర్ధమవ్వాలి.
అసలు సాంకేతికతకు, కళకు కులం లేదు.... అవి కలసి అందించే వినోదానికి కులం లేనప్పుడు - కొందరు కథానాయకుల కులాలను ఆ కథానాయకుల కుల ఆరాధకులు దురభిమానులుగా మారి కులజాఢ్యం వ్యాపింపచేయటం ఏమి న్యాయం? ఒక కులానికి చెందిన ఒక కులానికి చెందిన కథానాయకుడు నటిస్తే ఆ సినిమాలో సరుకు లేకపోతే ఆ హీరో కులపోళ్ళు సినిమాని విజయవంతం చేయగారా? అదే లేనప్పుడు కులమెందుకు? ఒక సారి ఆలోచించండి.
ఒక సారి పరిశీలిస్తే దంగల్, బాహుబలి సినిమాల్లో నటించిన నటులది ఏకులం, నేపధ్యంలో పని చేసిన సాంకేతిక నిపుణులది ఏ కులం, ఏ ప్రాంతం, ఇవేవి పనిచేయవు. విశ్వవ్యాప్తంగా అన్నీ ప్రాంతాల, దేశాల, ఖండాంతరాల ప్రజలు చూడబట్టే ఆ సినిమాలు అంత వసూళ్ళు సాధించాయి. జగపతి బాబు చెప్పింది అక్షరాలా నిజం. సో మనం కులం మతం మరచి పోదామా? హాట్స్ ఆఫ్ టు జగపతి బాబు! ఇదంతా జగపతి బాబు క్షుణ్ణం గా చెప్పారు. దాన్ని వారంతా అర్దం చేసుకోవాలి. రానున్న 2019 ఎన్నికల్లో కుల మత విభజనను పక్కనబెట్టి ఓట్లేసినప్పుడే తెలుగుజాతి పరువు నిలబడుతుంది.