తిరుమల తిరుపతి దేవస్థానం 2015-16 వార్షిక బడ్జెట్-ను టీటీడీ అధికారులు శుక్రవారం ప్రకటించారు. మొత్తం 2,530 కోట్లతో ఈ వార్షిక బడ్జెట్-ను రూపొందించారు. ఇందులో హిందూ ధర్మ ప్రచార పరిషత్-కు రూ.118 కోట్లు, టీటీడీ విద్యా సంస్థలకు రూ.94.45 కోట్లు కేటాయిస్తూ వార్షిక బడ్జెట్-లో ప్రతిపాదించారు. దాంతో పాటు ఆరోగ్యం, పరిశుభ్రత కోసం మరో రూ.109 కోట్లు కేటాయించారు. టీటీడీ భద్రతకు రూ.55.88 కోట్లు, టీటీడీ పరిధిలోని ఆస్పత్రుల నిర్వహణకు రూ.62.81 కోట్లు, టీటీడీ ఇంజినీరింగ్ విభాగానికి రూ.150 కోట్లు కేటాయిస్తూ అధికారులు వార్షిక బడ్జెట్ ప్రతిపాదనలు రూపొందించారు.
