విజయవాడ, గుంటూరుల మధ్య ఏపీ ప్రభుత్వం నిర్మిస్తున్న కొత్త రాజధానికి అమరావతి అని పేరు పెట్టిన సంగతి తెలిసిందే. అమరావతి చారిత్రక నేపథ్యం. బౌద్ధ నేపథ్యం కారణంగా.. ఆ పేరు అన్నివిధాలా బావుంటుందని చాలామంది మెచ్చుకున్నారు. ఈ పేరుపై అభ్యంతరాలు మాత్రం ఎక్కడా రాలేదు.
అక్షరం తీసేస్తే భవిష్యత్తు బంగారమే..
ఐతే.. అమరావతిని ఆంగ్లంలో రాసేపటప్పుడు AMARAVATHI అని రాయాల్సి ఉంటుంది. అలా రాసినప్పుడు మొత్తం 10 అక్షరాలు వస్తున్నాయి. సంఖ్యాశాస్త్రపరంగా 10 అక్షరాలు ఉండటం దోషమవుతుందట. అంతేకాకుండా 9 అక్షరాలు ఉంటే దాని భవిష్యత్తు దివ్యంగా ఉంటుందట.
రాజధాని నామదోషం పోయేలా.. ఆంగ్లం స్పెల్లింగ్ లో H అనే అక్షరాన్ని తొలగించి AMARAVATI అని రాస్తే.. ఏపీ కేపిటల్ ఫ్యూచర్ అద్భుతంగా ఉంటుందట. ఏపీ ప్రభుత్వం కూడా ఈ సూచనలకు అంగీకరించింది. అందుకే.. ఇకపై వస్తున్న ప్రభుత్వ అధికార పత్రాలల్లో అమరావతి పేరులను ఆంగ్లంలో AMARAVATI గానే రాస్తారు. భవిష్యత్ బావుండాలని చాలా మంది తారలు, రాజకీయనాయకులు తమ పేర్లలో మార్పులు చేసుకున్నట్టే ఏపీ కేపిటల్ కూడా చిన్నమార్పు చేసుకుందన్నమాట.
