మాజీ భారత రాష్ట్రపతి అబ్దుల్ కలాం పూర్తి పేరు అవుల్ పకీర్ జైనుల్బదీన్ అబ్దుల్ కలాం రామేశ్వరం, రామనాథపురం జిల్లా, తమిళనాడు రాష్ట్రంలో ఒక తమిళ ముస్లిం కుటుంబంలో 1931, అక్టోబరు 15 న జన్మించాడు. తండ్రి జైనుల్బదీన్, పడవ యజమాని మరియు తల్లి ఆశిఅమ్మ, గృహిణి. పేద కుటుంబ కావటంతో కుటుంబ అవసరాలకు చిన్న వయసులోనే పని ప్రారంభించాడు. పాఠశాల విద్య పూర్తి చేసిన తర్వాత, తన తండ్రికి ఆర్థికంగా తోడ్పడటానికి పేపర్ బాయ్ గా పని చేశారు. చిన్న నాటి నుంచి కష్టపడి పైకి వచ్చిన కలాం తిరుచిరాపల్లిలోని సెయింట్ జోసెఫ్ కళాశాలలో బౌతిక శాస్త్రం అభ్యసించారు.
చెన్నై లోని మద్రాస్ ఇన్స్టిట్యూట్ అఫ్ టెక్నాలజీ నుంచి ఏరోస్పేస్ ఇంజనీరింగ్ పట్టాపొందారు. డిఫెన్స్ రీసెర్చ్ అండ్ డెవలప్మెంట్ ఆర్గనైజేషన్ (DRDO) మరియు ఇండియన్ స్పేస్ రీసెర్చ్ ఆర్గనైజేషన్ (ఇస్రో) తో ఒక ఏరోస్పేస్ ఇంజనీర్ పనిచేశారు. భారతదేశం యొక్క మిస్సైల్ మాన్ పిలవబడే కలాం ముఖ్యంగా బాలిస్టిక్ క్షిపణి మరియు వాహన ప్రయోగ టెక్నాలజీ అభివృద్ధికి కృషిచేశారు. 1998 లో భారతదేశ పోఖ్రాన్-II అణు పరీక్షలలో కీలకమైన, సంస్థాగత, సాంకేతిక మరియు రాజకీయ పాత్ర పోషించారు. భారత దేశపు ప్రముఖ క్షిపిణి శాస్త్రవేత్త మరియు 11 వభారత రాష్ట్రపతి. రాష్ట్రపతిగా ఉన్నంత కాలం ఆ పదవికే వన్నె తెచ్చారు.
మాజీ భారత రాష్ట్రపతి అబ్దుల్ కలాం
అబ్దుల్ కలాం వరించిన పురస్కారాలు మీకోసం..
సంవత్సరం | పురస్కారం | అందించిన వారు |
| 2014 | సైన్స్ డాక్టరేట్ | ఎడిన్బర్గ్ విశ్వవిద్యాలయం,UK |
| 2012 | గౌరవ డాక్టరేట్ | సైమన్ ఫ్రేజర్ విశ్వవిద్యాలయం |
| 2011 | IEEE గౌరవ సభ్యత్వం | IEEE |
| 2010 | ఇంజనీరింగ్ డాక్టర్ | వాటర్లూ విశ్వవిద్యాలయం |
| 2009 | గౌరవ డాక్టరేట్ | ఓక్లాండ్ యూనివర్శిటీ |
| 2009 | హూవర్ పతకం | ASME ఫౌండేషన్, USA |
| 2009 | ఇంటర్నేషనల్ వాన్ కర్మాన్ వింగ్స్ అవార్డు | కాలిఫోర్నియా ఇన్స్టిట్యూట్ ఆఫ్ టెక్నాలజీ, USA |
| 2008 | ఇంజనీరింగ్ డాక్టర్ | నాణ్యంగ్ టెక్నలాజికల్ విశ్వవిద్యాలయం, సింగపూర్ |
| 2007 | కింగ్ చార్లెస్ | II పతకం రాయల్ సొసైటీ, UK |
| 2007 | సైన్సు రంగంలో గౌరవ డాక్టరేట్ | వోల్వర్థాంప్టన్ యొక్క విశ్వవిద్యాలయం, UK |
| 2000 | రామానుజన్ అవార్డు | ఆళ్వార్లు రీసెర్చ్ సెంటర్, చెన్నై |
| 1998 | వీర్ సావర్కర్ అవార్డు | భారత ప్రభుత్వం |
| 1997 | నేషనల్ ఇంటిగ్రేషన్ ఇందిరా మహాత్మా గాంధీ పురస్కారం | భారత జాతీయ కాంగ్రెస్ |
| 1997 | భారతరత్న | భారత ప్రభుత్వం |
| 1994 | గౌరవనీయులైన ఫెలోగా | ఇన్స్టిట్యూట్ ఆఫ్ డైరెక్టర్స్ (భారతదేశం) |
| 1990 | పద్మ విభూషణ్ | భారత ప్రభుత్వం |
| 1981 | పద్మ భూషణ్ | భారత ప్రభుత్వం |
