బెంగళూరుకు చెందిన దంపతులకు ఒక కుమారుడు కాగా, కుమారుడి తల్లి రెండోసారి గర్భం దాల్చింది. దాంతో అతడి భార్యను అక్టోబర్ నెల చివరి వారంలో ఆసుపత్రిలో చేర్చాడు. ఆ సమయంలో ఇంట్లోనే ఒంటరిగా ఉన్న బాలుడు తండ్రి మొబైల్‌ ఫోన్‌లోని డేటింగ్ యాప్ ఓపెన్ చేసి ఓ అకౌంట్‌కు ఫ్రెండ్ రిక్వెస్ట్ పెట్టాడు. డేటింగ్ యాప్ ద్వారా బాలుడితో పరిచయం ఏర్పరచుకుని, న్యూడ్‌గా వీడియో తీసి అతడి తల్లిదండ్రులను బెదిరిస్తున్న యువతిపై బెంగళూరు పోలీసులు కేసు నమోదు చేశారు.
ఫ్రెండ్ రిక్వెస్ట్ పెట్టిన కాసేపటికి ప్రియా అనే యువతి నుంచి అతడిని మెసేజ్ వచ్చింది. ఇద్దరూ రెండురోజుల పాటు చాటింగ్ చేసుకుని బాగా దగ్గరయ్యారు. అక్టోబర్ 28న బాలుడికి వాట్సాప్ కాల్ చేసిన ప్రియ.. ఇద్దరం పూర్తిగా బట్టలు విప్పేసి మాట్లాడుకుందామంటూ బాలుడికి చెప్పింది. సరేనన్న బాలుడు పూర్తిగా నగ్నంగా మారి ఆమె ముందు నిలబడ్డాడు. ప్రియను కూడా న్యూడ్‌గా మారాలని చెప్పగానే ఆమె పెద్దగా నవ్వి కాల్ కట్ చేసింది. ఈ విధంగా మూడుసార్లు బాలుడికి వీడియో కాల్ చేసిన ప్రియ.. అతడిని నగ్నంగా రికార్డ్ చేసింది
.
మరుసటి రోజు అతని తండ్రి నంబర్‌కు ఫోన్ చేసిన ప్రియ.. బాలుడి తండ్రితో మాట్లాడింది. బాలుడి న్యూడ్ వీడియోలు తన దగ్గర ఉన్నాయని, అడిగినంత డబ్బులు ఇవ్వకపోతే వాటిని సోషల్‌మీడియాలో పెట్టేస్తానని బెదిరించింది. దీంతో అతడు పేటీఎం ద్వారా రూ.30వేలు పంపించాడు. అయిపొయింది అనేలోపే...
కాసేపటికే మళ్లీ ఫోన్ చేసిన ఆమె మరో రూ.15వేలు ఇవ్వాలని డిమాండ్ చేసింది. దీంతో బాలుడి తండ్రి బెంగళూరు సైబర్ క్రైమ్ పోలీసులను ఆశ్రయించాడు. ఫోన్ నంబర్‌ ఆధారంగా విచారణ చేపట్టి పోలీసులు ఆ కాల్ రాజస్థాన్ నుంచి వచ్చినట్లు తెలుసుకున్నారు. అయితే నిందితురాలు వాట్సాప్‌లో ఫోటో, పేరు తప్పుగా పెట్టిందని తేల్చారు. ప్రస్తుతం ఆమె ఫోన్ స్విచ్ఛాఫ్ ఉండటంతో లొకేషన్ గుర్తించడం కష్టంగా మారిందని, త్వరలోనే నిందితురాలిని పట్టుకుంటామని పోలీసులు తెలిపారు.
