జూనియర్ ఎన్టీఆర్ కెరీర్ ప్లానింగ్ పక్కాగా ఉంటుంది. ఆయన ఎదుగుదల చూస్తే ఈ విషయం స్పష్టంగా అర్థం అవుతుంది. ఇక త్వరలోనే జాతీయ స్థాయిలో గుర్తింపు పొందడం ఖాయంగానే కనిపిస్తోంది. ప్రస్తుతం రాజమౌళి ట్రిపుల్ ఆర్ విడుదలైన తర్వాత జూనియర్ ఎన్టీఆర్ ఇమేజ్ మరో రేంజ్కు చేరుతుంది. ఇందులో డౌట్ అవసరమే లేదు. అందుకే ఓ బాలీవుడ్ అగ్రదర్శకుడు ఇప్పటి నుంచే జూనియర్ ఎన్టీఆర్ కోసం వెయింటింగ్ చేస్తున్నట్లు తెలుస్తోంది. ఇంతకీ ఆ దర్శకుడు ఎవరని అనుకుంటున్నారా.. ఆయన మరెవరో కాదు.. సంజయ్ లీలా భన్సాలీ. నిజానికి.. ఈ దర్శకుడు జూనియర్తో సినిమా చేయాలని చాలా కాలంగా ప్రయత్నం చేస్తున్నాడట.
రాజమౌళి సినిమా తర్వాత భన్సాలీతో సినిమా చేస్తే పక్కాగా నేషనల్ వైడ్ మార్కెట్ సెట్ అవుతుందని జూనియర్ ఎన్టీఆర్ కూడా భావిస్తున్నాడట. వీరి కాంబినేషన్లో వచ్చే ఈ సినిమాలో ఏకంగా రణ్వీర్ సింగ్ విలన్గా నటించబోతున్నాడనే ప్రచారం కూడా హాట్టాపిక్గా మారుతోంది. మరోసారి పీరియాడికల్ బ్యాక్డ్రాప్లోనే సినిమా చేయడానికి భన్సాలీ రెడీ అవుతున్నాడు. ఇదే నిజమైతే మాత్రం జూనియర్ ఎన్టీఆర్ కెరీర్ మరో మలుపుతిరగడం ఖాయమని అభిమానులు సంబురపడుతున్నారు.