టాలీవుడ్ ..కోలీవుడ్ ..బాలీవుడ్ మరియు హాలీవుడ్ ఇలా ఏ వుడ్ అయినా సరే రూమర్లు తప్పవు , అది నటులైన సరే క్రీడాకారులు అయినా సరే వారు రూమర్ల నుండి తప్పించుకోలేరు. అప్పట్లో టెన్నీస్ ప్లేయర్ సానియా మిర్జా కి షోయబ్ మాలిక్ కి మధ్య ఏదో ఉంది అంటూ పుకార్లు గుప్పుమన్నాయి . షోయబ్ మాలిక్ సానియా ఇద్దరు పెళ్లి చేసుకోబోతున్నారని అప్పట్లో రూమర్లు తెగ చెక్కర్లు కొట్టాయి అయితే ఆ రూమర్లకు చెక్ పెడుతూ వారిద్దరు పెళ్లి చేసుకొని సెటిల్ అయ్యారు. అయితే తాజాగా ఇలాంటి గాసిప్ ఒకటి సోషల్ మీడియాలో చక్కర్లు కొడుతోంది .
మిల్కీ బ్యూటీ తమన్నా మరియు పాకిస్తాన్ క్రికెటర్ అబ్దుల్ రజాక్ తో ప్రేమలో ఉందని పుకార్లు గుప్పుమన్నాయి. అయితే అందులో కాబోయే భార్యకు రజాక్ దగ్గరుండి మరీ నగలు షాపింగ్ చేస్తున్నాడని పుకార్లు షికార్లు కొట్టాయి. అయితే మిల్కీ బ్యూటీ తమన్నా ఈ పుకార్లను కొట్టిపడేసింది. ఆమధ్య సినిమా స్టార్ తో అన్నారు..ఆ తరువాత బిజినెస్ మ్యాన్ తో అన్నారు మొన్ననే ఓ డాక్టర్ తో అన్నారు ఇలా ఎంత మందితో పుకార్లు పుట్టిస్తారు.. మీకు పని పాటా లేదా..ఎప్పుడు పక్కవారి జీవితాలతో ఆట్లాడుకుంటారా..అంటూ మిల్కీ ఫైర్ అయ్యింది..అయితే అసలు విషయం ఏమిటంటే ఆ ఫోటో దుబాయ్ లోని ఓ నగల షాప్ ఓపెనింగ్ చేయడానికి వెళ్ళినప్పుడు జరిగిన ఫోటో షూట్ అంటూ మిల్కీ చెప్పుకొచ్చింది
