భారత్ లో ఐపిఎల్ జరిగే అవకాశాలు ఉన్నాయా...? అంటే అవుననే సమాధానమే వినపడుతుంది. దేశ వ్యాప్తంగా నాలుగో విడత లాక్ డౌన్ ని కేంద్రం ప్రకటించింది. దీనిలో భాగంగానే కొన్ని గైడ్ లైన్స్ ని కేంద్ర సర్కార్ ఈ సందర్భంగా విడుదల చేసింది. ఈ నేపధ్యంలోనే ప్రేక్షకులు లేకుండా స్పోర్ట్స్ మైదానాలకు, కాంప్లెక్స్ లకు అనుమతి ఇచ్చింది కేంద్రం.
దీనితో రెండు మూడు మైదానాల్లో ఐపిఎల్ ని నిర్వహించే అవకాశం ఉందని అంటున్నారు. ముందు విదేశీ ఆటగాళ్లను అందరిని తీసుకొచ్చి వారిని క్వారంటైన్ చేసి ఆ తర్వాత 28 రోజులు చూసిన తర్వాత అప్పుడు మ్యాచ్ లకు అనుమతి ఇస్తారు. వాళ్ళు ప్రయాణం చేసే బస్ లు కార్లు అన్నీ కూడా శానిటేషన్ చేస్తారు. వారి కుటుంబ సభ్యులు ఇండియా కు రావడానికి వీలు లేదు.
