కరోనా వైరస్ సృష్టించిన విపత్కర పరిస్థితుల్లో అనేక రంగాలు కుదేలు అవుతున్నాయి. ఆర్థికంగా తీవ్ర నష్టాలను చవిచూస్తున్నాయి. ఈ క్రమంలో తమ తమ సంస్థల్లో పనిచేస్తున్న ఉద్యోగులను తొలగిస్తూనే ఉన్న వాళ్లకు జీతాల్లో కోత విధిస్తూ ఖర్చులను తగ్గించుకునే పనిలో నిమగ్నమయ్యాయి. తాజాగా విమానాల ఇంజిన్ల తయారీ సంస్థ రోల్స్ రాయిస్ భారీగా ఉద్యోగులకు స్వస్తి పలికేందుకు రెడీ అవుతోంది.
ఈ నేపథ్యంలో తమ కంపెనీలో పనిచేస్తున్న 9 వేల మంది ఉద్యోగులు తొలగిస్తున్నట్లు సంస్థ ప్రకటించింది కంపెనీలో అన్ని దేశాల్లో కలిపి 52 వేల మంది ఉద్యోగులు పనిచేస్తున్నారని కంపెనీ పేర్కొంది. తాజాగా ఉద్యోగులను తొలగించడం ద్వారా ఏడాదికి 856 మిలియన్ డాలర్లు(రూ.6500కోట్లు) భారం త‌గ్గుతుంద‌ని కంపెనీ తెలిపింది.
