గత నాలుగు నెలలుగా ఒక్క క్రికెట్ మ్యాచ్ కూడా జరిగే అవకాశాలు ప్రపంచ వ్యాప్తంగా ఏ దేశంలో కూడా కనపడలేదు అనే విషయం అందరికి తెలిసిందే. ఒక్క క్రికెట్ మ్యాచ్ ని కూడా నిర్వహించే అవకాశాలు ఏ విధంగా చూసినా సరే కనపడలేదు అనే చెప్పాలి. కరోనా వ్యాప్తి క్రమంగా పెరుగుతూ పోతున్న నేపధ్యంలో క్రికెట్ మ్యాచ్ ల నిర్వహణ సాధ్యం కాలేదు.
ఈ నేపధ్యంలో క్రికెట్ లో కీలక అడుగు పడింది. వచ్చే నెలలో మొదలు కానున్న మూడు టెస్ట్ ల సీరీస్ కోసం ఇంగ్లాండ్ బయల్దేరి వెళ్ళింది వెస్టిండీస్ జట్టు. ఏడు వారాల పాటు అక్కడ ఉండే టీం కోసం పూర్తి స్థాయిలో జాగ్రత్తలు తీసుకుని కరోనా పరిక్షలు చేసి వారిని విమానం ఎక్కించారు. రెండు ప్రత్యేక విమానాల్లో వాళ్ళు బయల్దేరి వెళ్ళారు.
