భర్త కుటుంబ పెద్ద గా తన బాధ్యతను మరిచి, అప్పులు చేశాడు.ఆ కుటుంబాన్ని భార్య కష్ట పడి నెట్టుకోస్తోంది. అయితే అప్పుల వాళ్లు ఇంటికి వచ్చి డబ్బులు చెల్లించాలంటూ ఒత్తిడి చేయటంతో తీవ్ర మనస్థాపానికి గురైంది. ఉరి వేసుకుని ఆత్మహత్య చేసుకుంది. ఈ విషాదకర సంఘటన ప్రకాశం జిల్లాలో చోటు చేసుకుంది.
ప్రకాశం జిల్లా వేటపాలెం మండలం కొత్తపేటలో అప్పుల బాధతో వివాహిత ఉరివేసుకుని ఆత్మహత్య చేసుకుంది. గ్రామానికి చెందిన సౌజన్య, లింగయ్య దంపతులు. లింగయ్య తెనాలి సమీపంలోని సంగంజాగర్లమూడిలోని ఓ శీతలపానియం సంస్థలో డ్రైవర్గా పనిచేస్తున్నాడు. సౌజన్య కొత్తపేటలో ఇంటి వద్ద బ్యూటీ పార్లర్ నడుపుతుంది.
లింగయ్య అప్పుడప్పుడు ఇంటికి వచ్చిపోతుంటాడు. భార్యా పిల్లలను సరిగ్గా పట్టించుకోకుండా, అప్పులు కూడా చేశాడు. ఈ క్రమంలో అప్పులవాళ్లు ఇంటికొచ్చి సౌజన్యను డబ్బుల కోసం ఒత్తిడిచేయసాగారు. వారి మనస్తాపానికి గురైన ఆమె ఉరివేసుకుని బుధవారం రాత్రి బలన్మరణానికి పాల్పడింది. మృతురాలికి ఇద్దరు పిల్లలున్నారు. చీరాల రెండోపట్టణ సీఐ ఫిరోజ్ సంఘటనా స్థలానికి చేరుకుని వివరాలు సేకరించారు.
