గల్వాన్ లోయలో వీరమరణం పొందిన కర్నల్ సంతోష్బాబు, ఇతర జవాన్లకు ముఖ్యమంత్రి కేసీఆర్ సాయం ప్రకటించడంపై హర్షం వ్యక్తం చేశారు డిప్యూటీ చీఫ్ ఆఫ్ నావల్ స్టాఫ్ వైస్ అడ్మిరల్ ఎంఎస్ పవార్.కర్నల్ సంతోష్బాబు నివాసానికి ముఖ్యమంత్రి కేసీఆర్ వెళ్లి ఆయన కుటుంబానికి సాయం, ఉద్యోగ నియామక పత్రం అందించడంపై డిప్యూటీ చీఫ్ ఆఫ్ నావల్ స్టాఫ్ వైస్ అడ్మిరల్ ఎంఎస్ పవార్ హర్షం వ్యక్తం చేశారు.
ఈ మేరకు ముఖ్యమంత్రికి ఆయన లేఖ రాశారు. ఇతర రాష్ట్రాలకు చెందిన 19 మంది సైనికులకు కూడా సాయం ప్రకటించడంపై ఎంఎస్ పవార్ సంతోషం వ్యక్తం చేస్తూ... సీఎంను అభినందించారు.ఈ ప్రక్రియలో కీలకపాత్ర పోషించారని మాజీ ఎంపీ కవితను కూడా పవార్ అభినందించారు. కర్నల్ సంతోష్ బాబు విద్యాభ్యాసం చేసిన కోరుకొండ సైనిక పాఠశాలను సందర్శించాలని కేసీఆర్ను వైస్ అడ్మిరల్ కోరారు.
