పాకిస్థాన్లో రెండు గిరిజన బృందాల మధ్య జరిగిన ఘర్షణల్లో సుమారు 15మంది ప్రాణాలు కోల్పోయారు. మరో 42మందికి గాయాలయ్యాయి. వాయువ్య పాక్లోని గిరిజన ప్రాంతంలో తలెత్తిన ఓ భూ వివాదంతో ఈ ఘర్షణలు మొదలయ్యాయి.
కుర్రం జిల్లాలో నాలుగు రోజులుగా టోరి- పారా చంకాని తెగల మధ్య తీవ్రమైన ఘర్షణలు జరుగుతున్నాయి. ఒకరిపై ఒకరు అత్యాధునిక ఆయుధాలతో దాడులకు పాల్పడుతున్నట్టు అధికారులు తెలిపారు.ఇరు వర్గాలను శాంతింపజేసేందుకు స్థానిక పాలనాధికారులు, గిరిజన పెద్దలు సహా అక్కడి పార్లమెంట్ సభ్యులు రంగంలోకి దిగారు. రెండు సమూహాలను అక్కడి నుంచి ఖాళీ చేయించేందుకు ప్రయత్నిస్తున అధికారులు.. గురువారం ఈ వివాదానికి తెరపడుతుందని ఆశాభావం వ్యక్తం చేశారు.
