ఆస్కార్ అవార్డు గ్రహీత, ఇటాలియన్ ప్రముఖ సంగీత దర్శకుడు ఎన్నియొ మొర్రికోన్(91) తుదిశ్వాస విడిచారు. ఈ విషయాన్ని ఆ దేశ స్థానిక వార్తా సంస్థ స్పష్టం చేసింది. అయితే ఏ కారణంతో మృతి చెందారో వెల్లడించలేదు.ఇటీవల కిందపడి నడుము విరగడం వల్ల ఆయన, ఆస్పత్రిలో చేరారని సదరు వార్త సంస్థ ప్రచురించింది. ఆ చికిత్సలో భాగంగా అక్కడ ఉండగానే ప్రాణాలు విడిచినట్లు వెల్లడించింది.
'వన్స్ అపాన్ ఏ టైమ్ ఇన్ ది వెస్ట్', 'సినిమా ప్యారాడిసో' హాలీవుడ్ సినిమాలకు సంగీతమందించి ఈయన ప్రత్యేక గుర్తింపు తెచ్చుకున్నారు. ఎన్నియొ స్వరాలు అందించిన 'ది మిషన్', 'డేస్ ఆఫ్ హెవెన్', 'బగ్సీ', 'మలెనా', 'ది హేట్ఫుల్ ఎయిట్' సినిమాలకు ఆరు ఆస్కార్ నామినేషన్లు అందుకున్నాయి. మొత్తంగా ఆయన కెరీర్లో 500సినిమాలకు బాణీలు సమకూర్చారు.
