ఉత్తరప్రదేశ్లో కరోనా కట్టడికి ఆ రాష్ట్ర ముఖ్యమంత్రి యోగి ఆదిత్యనాథ్ 'మూడు రోజుల ప్రణాళిక'ను అమలు చేస్తున్నారు. దీనిలో భాగంగా అధికారులే నేరుగా ఇంటింటికి వెళ్లి ప్రతి ఒక్కరికీ యాంటిజెన్ పరీక్షలను నిర్వహించాలని ఆదేశించారు యోగి. ఈ కార్యక్రమంలో ప్రజలకు వైరస్పై పూర్తి స్థాయిలో అవగాహన కల్పించనున్నారు.
కరోనా పరీక్షలను అధిక సంఖ్యలో నిర్వహించేందుకు ల్యాబ్ సిబ్బందిని కూడా పెంచినట్లు ముఖ్యమంత్రి తెలిపారు. కాబట్టి ప్రతి రోజు 15 వేల రాపిడ్ యాంటీజెన్ పరీక్షలను నిర్వహించాలని నిర్దేశించారు. పరీక్షల సమయంలో కరోనా వైరస్ వ్యాప్తి చెందకుండా ప్రతి చోట శానిటైజ్ చేయాలని అధికారులకు సూచించారు.